^

Opinion

Pagpili sa kangitngit

ARANGKADA - Leo Lastimosa - The Freeman

Palihug ikumparar:

• Pari sa Don Benito sa Extremadura sa Espanya gisuspenso karong semanaha sa iyang parokya ug gidid-an sa pag-misa human nadakpan sa kapolisan niadtong Lunes tungod sa pasangil nga namaligya og viagra, aphrodisiacs, ug ilegal nga drugas sa pakigkonsabo sa laing lalaki nga gituohan nga iyang hinigugma; ug

• Pari sa Boljoon sa habagatang Sugbo igo lang gibalhin og parokya bisan nisibat nga wa mohatag og imbentaryo sa dekada ‘80 ug wa tarunga pag-imbestigar ang pasangil nga nangawat sa minilyon ka pesos nga balor sa karaang kabtangan sa simbahan.

* * *

Nahupay dayon ang kakugang ug kasuko sa mga parokyano sa Don Benito sa pakauwaw sa ilang kura paruko dinalian nga aksiyon sa simbahan. Gihangop sa katawhan ang pagtuman sa diocese sa sugo ni Pope Francis nga di duphan ang mga pari nga gipasanginlan og mga krimen.

Sa pikas nga bahin, nisulbong pagbalik ang reklamo sa mga parokyano sa Boljoon sa pagpangiyugpos sa Artsidyosesis sa Sugbo sa eskandalo dul-an sa upat ka dekada nang nilabay kay nakit-an ang pipila sa mga kinawat nga gidonar sa National Museum of the Philippines (NMP).

* * *

Ang matinud-anon nga pag-imbestigar sa Simbahang Katoliko sa ubang kanasuran sa kalibotan niresulta na sa pagkiha ug pagpriso ug pagkataktak sa gatosan ka pari, obispo, ug kardinal nga napamatud-an nga nilugos ug ni-abuso sa mga bata ug mga babaye sa mga parokya nga ilang giduma sud sa daghang katuigan.

Ang sakit nga proseso gidasonan ni Pope Francis nga labing epektibong paagi sa pagsilot sa mga kriminal, paghatag og hustisya sa mga biktima ug pagkuha pagbalik sa pagsalig sa katawhan.

* * *

Wa pa moabot sa Sugbo ug sa Pilipinas ang kalibotanong kampanya sa paglimpiyo sa simbahan sa pipila ka pari ug obispo nga nigamit sa ilang sotana sa pagpanamastamas sa kaputli sa kabataan ug kababayen-an ug pagsurikbot sa katigayonan sa labing adunahan nga mga parokya.

Wa katabang ang pagdupa sa lokal nga kadagkoan sa simbahan sa labing dagko nga kahiwian nga gisumbong ngadto nila. Imbes suportahan, gipasidan-an nila ang mga biktima nga nangahas sa pagreklamo nga ma-eskandalo ang tibuok simbahan kon mahibaw-an sa kadaghanan. Ambot hangtod kanus-a sila nga mopili sa kangitngit kay sa kahayag.

vuukle comment

HUMAN

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with