^

Opinion

Si Mike ug si Joy

Leo Lastimosa - The Freeman

Gisalikway sa suspendidong Cebu City Mayor Mike Rama nga nagdrama silang kanhi konsehal Joy Pesquera sa pag-uli sa P20,000 nga calamity assistance nga iyang nadawat sa City Hall bisan wa siya direktang maigo sa linog sa Bohol ug sa bagyong Yolanda niadtong 2013. Apan gitumbok sa iyang mga kaatbang nga:

•Igo lang nanghimakak si Rama apan wa niya awhaga si Pesquera sa pagkuha pagbalik sa kuwarta gikan sa City Treasurer's Office; ug

•Gipahibawo ni Rama nga padayon siyang nisalig ni Pesquera ug nga magpabilin sa iyang mga katungdanan sa Metro Cebu Water District ug sa Sinulog 2016 Executive Committee ug sa iyang pagka kandidata pagka konsehal sa Team Rama.

***

Nikumpisal si Rama nga nagkasulti dayon silang Pesquera human niangkon nga siya ang nag-uli sa calamity assistance, nga ang opisyal nga resibo nikatap sa social media. Giawhag niya si Pesquera sa pagpasabot sa kontrobersiya. Matod ni Rama wa ni niya kinahanglana kay nagbangotan pa sa kamatayon sa bantogan niyang uyoan nga si Nap Rama.

Apan gibalikbalik ni Rama nga wa mananghid si Pesquera niya, samang wa siyay gitugotan nga morepresentar niya, sa pag-uli sa P20,000. Nitataw hinuon nga wa mausab ang iyang baruganan: Nasubay sa balaud ang iyang pagdawat sa calamity assistance, di niya iuli ang kuwarta ug andam nga atubangon ang tanang kaso tungod sa transaksiyon.

***

Nagdumili pagtubag si Rama sa among pangutana kon ang gihimo ni Pesquera makadaot o makatabang ba sa iyang depensa sa kasong administratiba nga gihusay sa Department of Interior and Local Government. Nitataw hinuon nga way sukaranan ang kaso ug di mahitabong madugangan ang iyang suspenso.

Nagdumili sab pagtino si Rama sa iyang pagtawag sa Arangkada sa dyAB Abante Pa, Bisaya! kun kapila na gamita ni Pesquera ang iyang ngan nga way pananghid niya. Nipadayag hinuon siya og kaandam sa paglusad og imbestigasyon kon may uban pang transaksiyon nga nagbuot-buot si Pesquera nga makadaot niya.

***

Ambot nagdrama ba lang, aron di kapasanginlan nilang acting mayor Edgar Labella ug ubang mga sinumbong nga naniguro lang og iya, o nagmata lang gyud og buntag si Rama sa mga panghitabo sa City Hall ug sa mga binuhatan sa iyang mga sinaligan.

Kay di ni unang higayon nga nanlipaghong sa kauwaw si Rama. Kahinumdom mo niadtong iyang pasidaan pag-veto og usa ka ordinansahon apan nabisto nga iya ra gihapong gipirmahan? Giawhag niya ang National Bureau of Investigation  pagsusi kinsa’y nagpeke sa iyang pirma. Kay nahilom na man, tinuod gyud tingali tong pirmaha. Human niadto, may gitahasan na si Rama nga mosubli sa tanang dokumento sa di pa niya pirmahan. Ang sinaligan nga gitugyanan sa tahas? Nakatag-an ka, si Pesquera.

[email protected]

ABANTE PA

ANG

APAN

CITY HALL

CITY TREASURER

IYANG

NGA

NIYA

PESQUERA

QUOT

RAMA

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user