^

PSN Showbiz

Bakakon nga uyab

Dear Tito Miguel - Banat

Dear Tito Miguel,

Ako diay si Dina, nga taga Consolacion, Cebu ug nagtrababo isip call center agent. Naproblema ko sa batasan sa akong uyab nga si Jim. Usa ka tuig na ang among relasyon. Daghang higayon nga molakaw siya uban sa iyang mga barkada o moadto sa lain-laing lugar nga wala man lang siya magpahibalo kanako. Dili man unta ko kontrahan sa iyang mga lakaw. Wala koy problema kung gusto siyang makigkita sa iyang mga higala, maglaag o maglingaw-lingaw. Nasabtan nako nga bisan naa siyay uyab, kinahanglan gihapon niya og panahon para sa iyang kaugalingon ug sa iyang mga higala. Ang akong gusto lang unta mao nga magpahibalo siya kanako kung asa siya moadto ug kinsa iyang kuyog. Balik-balik na lang ang iyang pagpamakak ug pagtago sa iyang mga lakaw. Unsaon nako pag-atubang sa usa ka partner nga balik-balik nga mamakak bisan simple nga pagpahibalo lang unta ang akong gipangayo? — Dina

 

Dina,

Kun imong gipasalig kaniya nga wala’y problema nga molaag siya basta makahibalo lang ka kanus-a, asa ug kinsa iyang kuyog, apan mamakak gihapon, lagmit duna siya’y tinagoan sa maong mga lakaw. Nagbaga nga pula nga bandila. Kun pananglit wala siya’g gitago apan mamakak lang gihapon, di lang nagbaga, nidilaab na gyud ang pula nga bandila. Ka’y buot pasabot natural kaniya ang pamakak, maski dili kinahanglan mamakak, ipamakak gihapon. Maski asa ana’ng duha ka posibilidad, angay na ka magduha -duha. Ka’y kun mamakak siya sa lakaw sa iyang mga higala, unsa na lang kaha kun lakaw kuyog ang laing babaye? Masabtan pa tingali kun mamakak na lang siya kaysa mag-away mo kay supak ka, apan giklaro man kaha nimo nga mosugot ka basta pahibaw-on lang ka. Dili man kaha nimo sukit sukiton sa dagha’ng pangutana. Kay kun imong palabiha’g pangutana maski gagmay nga detalye, posible samokan na siya, mamakak na lang. Walay ganahan imbestigaron sa ilang uyab o kapikas sa kinabuhi. Samok. Toxic. Kinahanglan pa’g taas nga istorya sa dili pa masugtan o mabalibaran.

Kun ingon ana ka, lagmit mao na’y rason ngano mamakak na lang siya. Pero dili gihapon ni igong katarungan nga mamakak siya. Sa laktod, kun wala Kay salig, labi na’g sa imong tan-aw kay dili gyud kasaligan, ayaw na’g padayon sa relasyon nga wala’y padulngan. — Tito Miguel

* * *

Magpatambag ka? Ipadala kang Tito Miguel: 0991-318-9366

DEAR TITO MIGUEL

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with