DonBelle at Regine, pasabog ang biritan!
Sunud-sunod na mahuhusay na performance ang mapapanood sa ASAP XP sa pangunguna nina Donny Pangilinan at Belle Mariano, at Regine Velasquez-Alcasid ngayong Linggo (Setyembre 20).
Nag-uumapaw na kilig ang mararamdaman ng fans sa kahanga-hangang duet nina Donny at Belle.
Malupit na biritan naman ang dala ng nag-iisang Asia’s Songbird na si Regine.
Pasabog ang bonggang opening number nina Martin Nievera, Ogie Alcasid, Zsa Zsa, Erik Santos, Angeline Quinto, Darren, Alexa Ilacad, AC Bonifacio, Kai Montinola, Carmelle Collado, Esang De Torres, Elha Nympha, Klarisse De Guzman, Marko Rudio, Jona, Mikki Claver, kasama ang Sidlak Kadalaga-an festival dancers at G-Force.
Walang bibitaw dahil tuluy-tuloy na kilig din ang mapapanood sa performance nina Francine Diaz at Seth Fedelin, Kolette Madelo at Nate Porcalla, Alexa at Gelo Rivera, JM Ibarra at Fyang Smith, at Jarren Garcia at Kai.
Bibida sa entablado ng ASAP XP ang Queen of Pop Culture na si Jolina Magdangal kasama sina Jane de Leon, Bianca De Vera, Kolette, at Teacher Georcelle, kasama ang G-Force at G-Force students.
Makikanta rin sa engrandeng collaboration ni Martin kasama ang new gen divas na sina Alexa, Kai, Esang, Carmelle at Elha.
Magsisilbing hosts ngayong Linggo sina Ogie, Klarisse, Francine at Seth.
- Latest
