Jane, pangarap mag-’Kill bill!’

Grabe si Jane Oineza, tatlong malalaking project ang natapos.

May Midnight Girls, Love Is Never Gone and Drug War: A Conspiracy of Silence (Ian Veneracion).

“Midnight Girls with Ate Jodi (Sta. Maria). It’s coming out May 13 in cinemas po. And then iyong Love Is Never Gone (Ivana Alawi and Joshua Garcia)  naman this May 8, sa Prime Video,” sabay promote niya sa kanyang pelikula at series na pinagbibidahan niya rin.

Kaya nga parang sunud-sunod iyong project mo? “Nagkataon lang din po kasi si Midnight Girls, na-shoot last year pa po buong April nasa Japan kami.

“And then nagkataon na ngayong May siya ilalabas na kasabay ng Love Is Never Gone. Iyong Love Is Never Gone, last year din po iyon nag-start mga late last year.

“Pero ang galing lang din. Thank you, Universe, kasi napagsabay niya iyong mga dates and nakakatuwa na dumarating at ngayon naisi-share ko na iyong mga blessings,” tuluy-tuloy na kuwento ni Jane.

Dagdag pa niya: “Kasi dati talagang sobrang, ‘hala confidential, ayokong mag-share.’ So kapag hinahanap ako parang quiet lang ako. But at least now, I’m able to share it with everyone,” banggit pa ng aktres sa aming chikahan pagkatapos ng preview ng Drug War: A Conspiracy of Silence.

Pero, Jane, sa rami ng project mo, may dream role ka pa as an actress?

“Siguro dahil sinabi ni Tito Ian kanina iyong Kill Bill, isa iyon sa mga... iyong mga gano’ng action. Talagang film tapos more on action. Isa iyon sa mga dream ko. Dream ko rin mag-romcom. I guess kasi contrast siya sa usual kong ginagawa. Para maiba lang, shake it off,” pag-amin pa niya.

Pero sinong partner if ever sa romance comedy project, may mina-manifest ba siya?

“Wala naman. Gusto ko hindi ko kinakahon din iyong sarili ko na dapat ito iyong maka-partner ko. Kung sino man iyong available or kung sino iyong i-pair nila sa akin.”

Anyway, andami namang kinilig sa birthday post ni Jane para sa karelasyong si RK Bagatsing. “To my bestfriend and the love of my life.. I am beyond grateful to experience life with you.. You are such a beautiful human being.. And I’m so proud of you and everything you’ve achieved. I love you so much, more than you know. Happy Birthday my Ramon Khino. Through life’s ups and downs.. I’ll always be here for you. Here’s to celebrating many more birthdays together . Cheers!!!”