Emosyonal sa pilot episode

CEBU, Philippines — Wala kapugong ang singer nga si Zephanie  sa pagtulo sa iyang luha pagkakita sa pilot episode sa bag-ong show niya sa GMA nga  "Born to Shine." Kauban niya sa pagtan-aw sa unang episode mao ang iyang co-stars ug production team sa show ."Naramdaman ko po talaga na parang totoong buhay, 'yung feeling na naabot mo na 'yung pangarap mo, ito na 'yung feeling," saysay pa sa singer sa interview niini sa 24 Oras.

Balik-trabaho

Aktibo na si  Ron Angeles sa pagdawat og mga proyekto. Kahinumdoman nga  nalambigit ang aktor sa  video scandal ug nihimo na siya og legal action batok  sa mga responsable sa pagpakatap sa iyang video nga walay pagtugot kaniya .

Independent woman

Gibutyag sa komedyanteng aktres nga si Ai Ai delas Alas  nga nag-enjoy siya sa iyang pagka- single ug   independent woman, ilabi na karon nga aktibo siya sa  showbiz. Suma pa ni Ai Ai nga importante kaayo ang pag-atiman sa iyang kaugalingon .