Jane napungot sa iyang  basher

CEBU, Philippines — Wala palabya sa Kapamilya actress nga si Jane de Leon ang  iyang basher nga nikuwestyon sa kontribusyon niya sa girl love (GL) community.

Suma pa ni  Jane nga usa siya sa mga nangusog kaniadto aron mahatagan og pagtagad ang  GL projects sa entertainment industry sa nasud .

Napungot ang aktres sa dihang giingnan siya sa iyang basher nga wala siya'y ambag sa GL community .

 “Kasama ba kita sa bahay to know everything? There were multiple GL offers after the series. Hindi lang ako ang involved sa decisions,” tubag pa ni Jane  ngadto sa iyang basher .

Kahinumdoman nga usa si  Jane sa mga gidasig nga mahimong kabahin sa GL movie kauban si Janella Salvador.

Suma pa  sa aktres nga duna ra gyu'y mga kakulian nga dili kapugngan .  Matud pa niya nga dunay mga butang nga kinahanglan sabotan sa matag habig. 

Vice, Ivana, ug DonBelle sa Cinema One

Ipasalida sa Cinema One karong bulana  ang “Partners in Crime” nila Vice Ganda ug Ivana Alawi, lakip na ang “Love is Color Blind” sa  DonBelle nga sila Donny Pangilinan ug Belle Mariano.

Ang “Partners in Crime,” nga entry sa 2022 Metro Manila Film Festival, kay ipasalida sa Cinema One karong Marso 22, alas-9 sa gabii, isip kabahin sa Blockbuster Sundays.

Samtang ang “Love is Color Blind” ipasalida sa Marso 21, alas-7 sa gabii.

Makita usab ang uban pang mga pelikula ni Vice Ganda matag Domingo, samtang molugwa  usab ang  romantic films ni Kathryn Bernardo sa espesyal nga “Pinay Power” movie block sa maong channel.

Zaijan modala  isip pari

Modala isip pari ang aktor nga si Zaijian Jaranilla sa umaabot niya nga proyekto .

 Siya ang bida sa  umaabot nga meta-documentary nga  "Seeds of Peace: The Life of Fr. Rhoel D. Gallardo, CMF."

Si  Rommel Galapia Ruiz ang direktor niini ug gipaluyohan sa Gallardo family ug Claretian Missionaries.

KZ, independent artist na!

Gipahibalo sa Kapamilya singer nga si KZ Tandingan nga opisyal na siya nga  independent artist.

Gibuhian sa mag-aawit ang maong balita human sa kalamposan sa iyang concert uban sa iyang bana nga si TJ Monterde nga nag-ulohan  og “In Between” .

“But in the middle of that big moment, something very personal was unfolding too. With the love and support of my first home, Star Music, my management, my family, and my ever-supportive husband, I’ve stepped into a new season,” niya pa.

Nilenggua  dayon si  KZ og  “now officially an independent artist”. “That both excites and scares me. I’m still finding my footing, still learning as I go. But I’m choosing courage. I’m choosing growth. I’m choosing to trust myself,” matud pa sa singer, nga mitug-an nga nagkasagol ang iyang gibati nga kahinam ug kahadlok sa pagsugod sa bag-ong hugna  sa iyang karera.

Gibutyag usab ni KZ nga ang kantang “Sinong Magmamahal Sa ’Kin?”, nga iyang gihimo sa ika-upat nga gabii sa In Between concert, mao ang iyang unang independent release.

“I wrote it for my sister — and for anyone who’s always been the strong one. The one who holds everything together, even when they’re quietly breaking,” niya pa.

Dugang pa niya, “It’s for the people who rarely get asked if they’re okay. The ones who carry so much but still show up with love. And deep down, they’re just hoping someone will see them too.” Sa pagkakaron, daghang fans ang nagpadayag og suporta kang KZ sa iyang bag-ong lakang isip independent artist, samtang nagpaabot sa iyang mosunod nga mga proyekto.

Nagpakasal sa Bohol

Nagpakasal na didto sa Bohol niadtong Domingo sila Kim Molina ug Jerald Napoles.Pipila sa ilang mga ninong ug ninang kay sila  Viva Chairman Vic del Rosario Jr., Butch Jimenez, Aga Muhlach, Kim Atienza, Robert Seña, Rafael Soriano, Alexander Zaraspe, Alex Uy,  Edwin Mercado , Laarni Enriquez, Tricia Jimenez, Charlene Gonzalez, Isay Alvarez, Sweet Plantado, Anne Amon, Lerma Bernabe, Rosie Uy, June Rufino ug Ai-Ai delas Alas .

Saksi sa tensyon

Usa si  Anne Curtis sa mga pasahero sa eroplano nga gipabalik sa agi gumikan sa conflict sa pipila ka dapit sa Middle East. Gikan si  Anne sa Italy ug padulong unta siya sa   United Arab Emirates (UAE) . Nakita gyud ni Anne ang  mga high speed jet nga naa sa kilid sa gisakyan niya nga eroplano ."Hoping things ease soon," suma pa ni Anne .

Direksyon sa relasyon

Gipadayag sa aktres ug singer nga si Rita Daniela nga makita na  niya ang iyang kaugalingon nga magminyo sa iyang uyab nga basketball player nga si McLaude Guadaña, bisan pa man og pila pa lamang ka bulan ang ilang relasyon.Suma pa ni  Rita, lig-on ug malinawon ang ilang panag-uban, maong dili niya malikayan ang paghunahuna sa mas seryoso nga kaugmaon uban kang McLaude.Sa pagkakaron, nagpadayon ang duha sa pagpalig-on sa ilang relasyon samtang nagasuporta sa tagsa-tagsa nila nga  karera.