Bakasyon ang tirade

CEBU, Philippines — Gibutyag ni Sheryl Cruz  nga naglaag ra gyud siya sa laing mga nasud sa mga panahon nga wala siya’y teleserye . Suma pa sa aktres nga malingaw ra gyud siya sa pagtikang og laing mga lugar gumikan kay daghan siya og madiskubre , sama sa  kultura, mga pagkaon ug nindot nga mga talan-awon.

 AJ emosyonal sa paghisgot sa kagahapon

Emosyonal si  AJ  Raval sa guesting niini sa vlog ni Toni Gonzaga  kun diin iyang gihisgotan kun nganong naaghat siya sa pag-angkon kaniadto  nga duna na siya’y mga anak. Gusto lang ni AJ nga duna siya’y  kagawasan   . Sa maong pamaagi, gawasnon niya nga isuroy ang iyang  mga anak sa bisan asa nga lugar ug saulogon ang mga espesyal nga okasyon . "Kasi gusto na po naming matapos, gusto naming maging malaya. Sa bahay lang namin may mga tao na nandoon, hindi ko kilala, gusto lang nilang maka-capture ng mga bata. Gusto namin silang ipasyal, gusto namin silang bigyan ng malaking birthday celebration," suma pa ni AJ.

Atty. Mac ug BeatMaster mag-uban sa bag-ong podcast

Gilusad dili pa lang dugay ang bag-ong podcast nga maghisgot sa kalibutan sa balaod, politika, ug uban pa nga gidumala nila Atty. Mac Gordon ug BeatMaster.

Ang podcast nagtumong sa diretsong diskusyon sa mga isyu nga nakaapekto sa katawhan, lakip ang politika, teknolohiya, relasyon, ug kasikas sa adlaw-adlaw nga kinabuhi. Tumong niini ang paghatag og plataporma alang sa bukas ug matinud-anong panag-istorya nga masabtan sa ordinaryong Pilipino.

Si Atty. Mac Gordon, nailhan isip “The People’s Servant,” , nagtingoha nga ipasayon ug ipaduol sa katawhan ang mga isyung legal ug pang-gobyerno. Ang iyang adbokasiya mao ang pagpalig-on sa partisipasyon sa katawhan pinaagi sa kahibalo ug aktibong pakiglambigit.

Kauban niya si BeatMaster, mirepresentar sa digital generation ug nagdala og mas sayon, diretso, ug maka-relate nga mga diskusyon.

 Makita ang ilang podcast   sa pipila ka major streaming platforms ug  social media channels.