Mibalik sa music school

Nibalik na og tungha sa music school ang aktres nga si AZ Martinez. Kahinumdoman nga temporaryo siya nga nahunong niini human siya nisalmot kaniadto sa Pinoy Big Brother: Celebrity Collab Edition. Determinado si AZ nga palamboon ang abilidad niya sa musika.

Mipalag sa fake news

Mihangyo sa katawhan ang CCM Film Productions nga gipanag-iya ni Coco Martinnga dili motuo sa nikatap nga taho nga matud pa nipanaw ang beteranong aktor nga si Dante Rivero. Makita gihapon ang aktor sa Kapamilya primetime series nga “FPJ’s Batang Quiapo” kun diin gidala niini ang karakter ni Don Gustavo Guerrero.“ Si Mr. Dante Rivero ay malusog at masigla na kasama namin sa mga susunod pang mga araw sa taping ng ‘FPJ’s Batang Quiapo.’ Nakikiusap kami sa lahat na itigil ang pagkalat ng videos at misinformation sa social media. Maraming salamat po,” suma pa sa production company ni Coco.

Dili magpaapekto

Gipasidan-an ni Vice Ganda ang anak-anakan niya sa showbiz nga si Awra Briguela nga mag-enjoy sa nakab-ot nga kalamposan niini sa kinabuhi ug dili magpaapekto sa negatibong isulti sa ubang tawo. Nagpasalamat si Awra sa dakong suporta nga nadawat gikan ni Vice. “I promise I’ll keep focusing on the love and the people who truly matter just like you taught me,” mensahe pa ni Awra ngadto kang Vice.