Jane misulod sa PBB
CEBU, Philippines — Ang Kapamilya actress nga si Jane de Leon maoy latest house guest sa "Pinoy Big Brother Celebrity Collab Edition." Katapusang nigawas si De Leon sa hit action series nga "Incognito" isip Sylvia Escalera. Nailhan ang Kapamilya actress sa pag-portray sa sikat nga Pinoy comic superheroine nga si Darna niadtong Pebrero 2023."Housemates, ang bato! . Ready for a super houseguest experience with #JaneDeLeon, BNK?," social media post sa Star Magic Philippines.
Quizons nag-reunion
Dili masukod ang gibating kalipay ni Eric Quizon sa pagbakasyon niya sa United Kingdom. Suma pa actor -director nga nag-reunion sila sa iyang mga igsoun sa Edinburgh.Nitambong ang iyang mga igsoun nga sila si Vandolph, Epy, ug Madonna, uban sa mga tagsa-tagsa nila nga pamilya .
Spring in Prague
Mobalik na sa big screen ang aktor nga si Paolo Gumabao pinaagi sa romantic-comedy movie nga “Spring in Prague”. Pipila sa mga eksena niini kay gi-shoot didto sa Czech Republic . Kauban usab niya sa maong pelikula ang Czech-Macedonian actress nga si Sara Sandeva.
Jen milusad sa iyang comeback mini album
Gilusad na sa Ultimate Star sa GMA Network nga si Jennylyn Mercado ang iyang comeback mini album nga ubos sa Star Music ug nag-ulohan kini og "JEN" nga dunay unom ka mga awit .
Nag-feature kini og nagkalain-laing hugna sa gugma nga naglangkob sa “Paulit-Ulit Kang Pipiliin,” “Sa Gitna,” “Hihintayin Kita" “Kung Nandito Ka Pa", “Ayaw Pang Umuwi” ug “Hindi Pa Rin Sapat.”
Ang multi-awarded Kapuso actress ug platinum album-selling artist maoy hands-on sa paghimo sa iyang Kapamilya music project ug siya mismo ang nagsulat sa key track niini nga “Paulit-Ulit Kang Pipiliin”.
Giabagan usab siya sa ABS-CBN Music creatives, content, ug operations head nga si Jonathan Manalo nga nagsilbing overall producer.
Madungog ang mga unod sa "JEN" sa nagkalain-laing music streaming platforms.
JM nakadawat og death threat
Dili palabyon sa Star Magic ang netizen nga matud pa nanghulga sa kinabuhi sa ilang talent nga si JM Ibarra.
Nagplano ang maong talent agency nga mohimo og legal nga aksyon batok sa tawong nanghulga sa aktor.
“Star Magic does not tolerate threats, derogatory remarks, and other personal attacks made online against our artists. These acts have serious and damaging consequences and we will take legal action, if necessary," statement sa Star Magic.
Megan nanganak na!
Gihimugso na sa beauty queen -actress nga si Megan Young ang unang anak nila ni Mikael Daez .
Gianunsyo kini ni Mikael niadtong Miyerkules sa gabii.
"We've been waiting for 9 months... And now you're here!," Instagram post ni Mikael.
Kahinumdoman nga sa niaging intimate gender reveal party, gipahibalo sa magtiayon nga lalaki ang una nila nga liwat.
- Latest
