Arci wala matandog sa iyang bashers

CEBU, Philippines —  Gipaambit ni  Arci Muñoz  ang paghupot niya sa  iyang kaugalingon sa negatibong sitwasyon ilabi na kun dunay mosaway kaniya.

Matud pa sa aktres nga dili gyud siya manumbaling sa isulti sa ubang tawo gumikan kay wala kini papel sa iyang kinabuhi,

 "Lagi ko iniisip Ate, the only opinion that will matter in my life are from those that I love. Outside of that, hindi na iyon magma-matter sa akin kasi sino ba sila in my life?,”  matud pa ni Arci sa interview niini  ni Toni Gonzaga

Gitataw ni Arci nga wala’y katungod ang ubang tawo nga hukman ang iyang personal nga kinabuhi.

Hinoun , aminado siya nga  naa ra  gyud niya ang kontrol kun magpaapekto ba siya o dili sa ipanulti sa ubang tawo batok kaniya.

"When I was younger, oo merong kirot. Pero when I was growing up and I learned how to accept na parang this is part of my job, nasa sakin kung magpapaapekto ako," dugang pa sa aktres. 

“Everything About My Wife” ipasalida sa UAE

Gikatakdang ipasalida sa mga sinehan  didto sa United Arab Emirates karong Mayo 22    ang  pelikulang “Everything About My Wife” starring  Dennis Trillo Jennylyn Mercado ug Sam Milyby .

Ang maong pelikula kay ubos sa  GMA Pictures, CreaZion Studios, ug Glimmer Studio.

Nagsilbi kini nga  reunion project  nila ni Jennylyn ug Dennis human sa panag-uban nila kanadto sa  "I Can See You: Truly, Madly, Deadly" niadtong  2020.

Christian Bautista mi-renew sa GMA-7!

Mi-renew   sa iyang kontrata sa GMA Network kagahapon  ang  Asia’s Romantic Balladeer nga si Christina Bautista.

“I am deeply, deeply grateful. Maraming salamat po sa pagtiwala and the belief that you've given me through the years. It's really overwhelming to be standing here today and I've been part of GMA for over a decade,” saysay pa ni Christian.

Mapasalamaton siya sa iyang mother work  gumikan  kay wala gyud siya pasagdi sa pagpadangan sa iyang career.

 “Thank you because you're reminding me of what I can do and what I'm capable of and what else I can do,” dugang pa singer.

Nitambong sa  contract signing sila si GMA Network President and CEO Gilberto R. Duavit, Jr., Executive Vice President and CFO Felipe S. Yalong, Officer-In-Charge for Entertainment Group and Vice President for Drama Cheryl Ching-Sy, ug  Nyma COO Kat R. Bautista.

Si Christian maoy nagpasikat sa mga awit nga  “The Way You Look At Me” ,” Hands to Heaven," ,“Please Be Careful With My Heart,” ug uban pa.