Rufa Mae, abswelto na sa mga demanda

Ang bongga naman ni Rufa Mae Quinto na tapos na raw ang kasong kinakaharap niya.

Sa post ng comedienne, sey niya “FFF hooray! Na Quash na Case ! I’m free as a kite!

“Malayang malaya !
“To GOD be the GO GO GLORY!
“GO GROW GLOW !

“Salamat sa inyong lahat na naniwala at nag tiwala saakin!,” bahagi ng post niya.

Maaalalang kusang sumuko si Rufa sa National Bureau of Investigation dahil sa kasong kinaharap niya tungkol sa usapin ng Dermacare.

Kaugnay ito ng kasong kinaharap nila ng actress-entrepreneur na si Neri Naig noong Disyembre kung saan ilang araw siyang nadetine.

Pero lusot na rin ang misis ni Chito Miranda kung saan na-dismiss na ang mga kaso laban sa kanya na syndicated estafa at violations of the Securities Regulation Code.

Naalala tuloy ng marami si Ken Chan na sana nga raw ay harapin ang kaso kung talagang hindi siya guilty ay tularan niya si Rufa Mae.

Bongga.