Jane dunay upcoming movie

CEBU, Philippines — Gibutyag ni Jane de Leon nga madayon ang giluto nga pelikula alang kaniya.

Gikatahong makauban niya sa maong movie project ang iyang soud nga higala nga si Janella Salvador  ug dili  pa niya matino kun kanus-a  kini masugdan sanglit puros sila busy.

Sa pagka-karon ,  duna  pa’y tagsa-tagsa ka laing mga proyekto  sila si Jane ug Janella.

Nagkasoud ang duha human sila nagkauban kaniadto sa seryeng Darna .

Winwyn subling mosalmot og pageant?

Niulbo karon ang mga pagduda nga  matud pa subling mosalmot og indigay  ang aktres nga si  Winwyn Marquez human kini ni-post og video  kun diin gisayaw niini ang "Mexicana" ang official song sa bag-ohay lang nga edisyon sa  Miss Universe pageant.

"Won't hurt to hop on this new dance trend! ,” sa aktres pa.

Kahinumdoman nga niadtong 2017 , si Winwyn  ang napili nga labing una nga  Pinay nga  nisalmot   ug nakadaog sa    Reina Hispanoamericana pageant.