Konsyerto sa Kapuso Stars sa Canada nagmalampuson

CEBU, Philippines — Nagmaya ang  Sparkle GMA Artist Center gumikan  sa kalamposan  sa konsyerto nga  "Sparkle Goes To Canada".

Nalakip niini ang mga   magka-loveteam sa GMA -7 nga sila si Julie Anne San Jose ug Rayver Cruz, Barbie Forteza ug David Licauco,  ug Ruru Madrid ug Bianca Umali.

Kasamtangang bugnaw ang panahon  sa Canada apan gidumogan gihapon sa mga Pinoy ang maong kalihokan.  Si  Johnny Manahan o nailhan nga  Mr. M maoy direktor sa maong konsyerto.-SJA

Nangita og ka-date

Gitingoha  ni Sanya Lopez nga makalugwa  puhon sa “EXpecially For You” segment sa  “It’s Showtime" aron makakita siya og ka-date.   Wala pa gyud  nakasuway og uyab si Sanya busa wala pa siya'y ideya sa bation kun dunay uyab.

Lahi ang tumong

Nitikang si  Mariel Rodriguez  sa Singapore alang sa iyang medical check-up ug kauban niya ang iyang bana nga si Senador Robin Padilla.  Gidid-an siya ni Robin nga mag-shopping gumikan kay lahi ang ilang tumong sa paglarga nila sa maong nasud.“Ito yung trip na bawal daw akong mag-shopping. Talagang bawal na bawal. Pinagbawalan niya ako nang matindi kasi mahal na raw yung medical check-up, hindi na raw pwede. Wala nang lusutan talaga,” saysay pa ni  Mariel.

Angayan mag-Marimar

Kun pananglitan himoan og laing remake ang "Marimar”, angayan matud pa modala sa maong karakter mao ang aktres nga si Kathryn Bernardo. Mao kini ang nabatyagan sa iyang fans human nikatap ang beach photos niini alang sa cover sa usa ka magazine. -Sanden J. Anadia

Nangita og ka-date

Gitingoha  ni Sanya Lopez nga makalugwa  puhon sa “EXpecially For You” segment sa  “It’s Showtime" aron makakita siya og ka-date.   Wala pa gyud  nakasuway og uyab si Sanya busa wala pa siya'y ideya sa bation kun dunay uyab.