Overpriced pa raw ng P75,000 urian, hindi naapektuhan sa pagbenta ni jiro ng best actor trophy

MANILA, Philippines — Hindi na-offend o nagalit ang Urian sa ginawang pagbebenta ng dating young actor na si Jiro Manio sa kanyang Best Actor trophy sa halagang P75,000.

Ibinenta ng former child actor sa vlogger / collector Pinoy Pawn Stars with Boss Toyo ang naturang trophy sa halagang P75,000.

Ang unang asking prize niya ay half a million pero tinawaran ito ng P50,000 pero natapos sa P75,000.

Ayon kay Butch Francisco na miyembro ng URIAN, wala raw sa konstitusyon na hindi pwedeng ibenta ang napanalunang trophy sa kanila. “Overpriced na nga ‘yun,” say niya.

Actually, marami pa nga raw sila nakatambak na trophy, baka raw gusto ring bilhin ni Boss Toyo.

Hahahaha.

Tho baka joke lang ‘yun ng batikang TV host na si Butch na nagbabalik kasama ngayon ang film preservation advocate na si Leo Katigbak para sa mainit na showbiz chikahan sa bagong talk show ng FYE na Best 10 Bets na nagsimula nang ipalabas nung Enero 6 (Sabado), 7 p.m. sa FYE YouTube channel at Spotify.

Nakilala si Butch sa mga programang Showbiz Lingo ng ABS-CBN at Startalk ng GMA at siyempre pagiging miyembro ng Urian.