Beauty, nag-enjoy kay Gabby!
Nag-enjoy si Beauty Gonzalez sa mga laplapan nila ni Gabby Concepcion sa bagong afternoon drama series ng GMA na Stolen Life with Carla Abellana.
Makikita nga sa trailer nito na maiinit ang mga eksena nila ng actor. “I did enjoy, okay? I enjoyed every bit. And I must say Gabby is such a gentleman,” diretsong sagot ng actress na dual role ang ginagampanan sa nasabing palabas na dinirek ni Jerry Lopez Sineneng.
Pakiramdam naman daw niya ay prinotektahan siya ni Gabby sa mga eksena nila kaya take 1 and 2 takes lang sila. “We did it in one take or 2 takes para hindi na maging akward and I really admired that of him and I must say, I enjoyed it a lot. I felt that I was taken good care of.”
Jackpot lang si Beauty na walang selos sa katawan ang mister na si Norman Crisologo. “Even the scripts that I’ve done, all the movies, binabasa ng asawa ko and I’m very open to him and I’m very blessed that he’s not seloso. He’s a very supportive husband,” chika pa ni Beauty.
Aside from Stolen Life, any moment ay mag-uumpisa na sila ng Season 2 ng Walang Matigas Na Pulis sa Matinik Na Misis katambal si Sen. Bong Revilla. At excited siyang makasama rito si Alden Richards. “Gusto ko lang sabihin kay Alden na ‘hey Alden I hope to see you in Matigas Na Pulis... And I just wanna say that line to him ‘Is that a gun in your pocket, or are you just pleased to see me?,” kasabay ng naughty na tawa ni Beauty.
“But you know it’s exciting. And I’m so blessed na binigyan kami ng Season 2. Kasi, not everybody gets Season 2, especially nowadays na wala nang masyadong nanonood. Salamat, nagpapatayo ako ng bahay, keep it coming...” sabi pa ng dating Kapamilya actress.
Mag-uumpisang mapanood ang Stolen Life sa GMA Afternoon Prime sa Nov. 13.
- Latest
