Show ni Luis Manzano papalit habang 'It's Showtime' 12-araw suspendido
MANILA, Philippines — Pansamantalang ipapalabas ang game variety show na "It's Your Lucky Day" habang 12 na araw suspendido ang noontime show na "It's Showtime."
Ito ang ibinahagi ng ABS-CBN nitong Miyerkules sa isang pahayag matapos ipagkait ng Movie and Television Review and Classification Board (MTCRB) ang mosyon ng Kapamilya Network at GMA.
"The Philippines' newest game variety show "It's Your Lucky Day' will temporarily replace 'It's Showtime' and will be hosted by Luis Manzano, Ang Pambansang Host, with Robi Domingo, Jennica Garcia, and Melai Cantiveros," sabi ng Kapamilya Network kahapon.
"Joining them are special co-hosts and other celebrity guests."
Una nang sinabi ng ABS-CBN na palilipasin nila ang 12 araw at hindi na iaapela pa ang suspensyong ipinataw ng MTRCB kasunod ng kontrobersyal na pagkain ng cake ng LGBT hosts at partners na sina Vice Ganda at Ion Perez sa isang segement noong Hulyo.
Bubuuin ng parehong team ng "It's Showtime" ang magpapatakbo ng "It's Your Lucky Day" at magfi-feature ng mga game and variety segments na eere simula ika-14 hanggang ika-27 ng Oktubre.
Eere ito sa Kapamilya Channel, A2Z at GTV. Magiging available din ito sa Kapamilya Online Live, IWantTFC, at TFC.
Una nang inireklamo ng ilan sa MTRCB ang pagkain ng icing ng cake nina Vice at Ion bilang "mahalay," habang nakita naman ito ng ilan bilang normal na paglalambing ng magsing-irog.
"We invite viewers to welcome luck into their homes and experience fun and enjoyment with the family in 'It's Your Lucky Day," panapos ng pahayag.
- Latest
