Nagpalayo sa isyu

CEBU, Philippines — Magpa-relax lang una ang mag-uyab nga sila si  Vice Ganda ug Ion Perez  pinaagi sa pagbakasyon. Wala hinoun hisgoti sa duha kun unsang lugara ang ilang gilaagan. Kahinumdoman nga nag-atubang og isyu sila si Vice ug Ion human gipatawag sa Movie and Television Review and Classification Board (MTRCB) ang It’s Showtime gumikan sa usa ka episode niini nga giingong dili haom alang sa mga bata.

Regalo sa kaugalingon

Nipalit og  mahalon nga sakyanan si Allen Dizon ug usa kini sa mga  bunga sa iyang talent fee sa teleseryeng  Abot-Kamay Na Pangarap . Suma pa sa aktor nga giisip niya kini nga regalo alang sa iyang kaugalingon gumikan sa pagkugi  niya sa trabaho. Dako ang pasalamat sa aktor sa GMA-7 nga gihatagan gyud siya og dakong proyekto.

Awhag sa presidente

Giawhag ni President Ferdinand R. Marcos Jr. ang mga artista  nga motabang alang sa pagkab-ot sa labing taas nga  standards sa local films, Gibutyag kini sa presidente atol sa oath-taking ceremony sa  mga opisyales sa  Katipunan ng mga Artistang Pilipino sa Pelikula at Telebisyon (KAPPT).  “I am pleased to hear your oath and commitment to responsibly lead our very own actors guild and to know that the government has a genuine and reliable partner in all of you,” mensahe pa sa presidente ngadto sa KAPPT.

Kaugalingong kuwarta

Giklaro sa kampo ni Quezon City 1st District Representative  Arjo Atayde   nga kaugalingon niya nga kuwarta ang iyang gigasto sa iyang pagtikang sa Switzerland aron motambong sa  international screening sa pelikulang  Topakk atol sa   2023 Locarno International Film Festival.  Nihatag og travel authority ang kongreso ngadto  kang Arjo ug nitataw nga wala’y nagasto ang gobyerno sa paglarga sa aktor. — Sanden J. Anadia

Joshua ug Emilienne nagpaklaro na?

Nikisaw og samot ang mga pagduda nga duna gyu’y relasyon sila si Joshua Garcia  ug Filipino athlete Emilienne Vigier gumikan sa sweet  nila nga mga aksyon sa social media.

Usa  na niini nga giandaman ni Joshua og pagkaon si Emilienne. Matud pa nga ang  tawag ni Emilienne. ngadto lang Joshua kay  “my person”. Wala pa mohatag  og komento   si Joshua kalabot  sa maong intriga. Kahinumdoman nga kapila na ka higayon nga nasigpatan ang duha nga nag-date.

Masukod ang abilidad sa pag-arte

Gibutyag ni Alexa Ilacad nga ang maayong  dagan sa iyang showbiz career karon kay iyang hinagoan busa nagbunga rasad kini og maayo,

“Nostalgic noh? But oh my God, I am just honored to be here, to be given trust. Because those titles come with trust from the management, from the production, from ABS-CBN. So para pagkatiwalaan nila ako ng ganun, I believe I must have done something right and I will continue to do right by them,” she admitted,” matud pa sa aktres.

Usa ka dakong responsibilidad alang kaniya ang  pagkalakip  sa  afternoon series nga Pira-Pirasong Paraiso  .

Tungod sa maong proyekto, masukod napud ang  dugang niya nga madalit sa iyang abilidad sa pag-arte.

 “To be honest with you, of course there’s a certain kind of pressure. But I take it as motivation for me. Because I don’t focus on other people, other artists, I really like to focus on myself, on how I can improve myself. So when they announced that title siyempre kilig, super kilig. And I will really work hard to deserve the title so that when other people hear the title, they will think that I deserve it. So that’s something that I really want,” dugang pa niya.

Bela-JC movie ipasalida karong Agosto 23

Gikatakdang ipasalida sa mga sinehan karong Agosto 23, 2023 ang pelikula nila ni Bela Padilla ug JC Santos nga "Wish You Were the One” .. Gikumpirmar kini sa  Viva Films human  gi-release kagahapon  ang bag-ong teaser sa pelikula   nga ubos sa direksyon ni  Derick Cabrido. Mao kini ang ikalima nga pelikula nga giparesan nila ni Bela ug JC,  ug nagmalampuson kaniadto ang ilang panagpares sa  “100 Daang Tula Para Kay Stella” (2017), “The Day After Valentine’s” (2018), “On Vodka, Beers and Regrets” (2020) ug  “366” (2022).