Bag-ong Miss Mandaue

Ang 23-anyos nga nurse nga adunay master's degree sa Public Administration nga si Victoria Leslie Ingram ang bag-ong Miss Mandaue.

Gipilde ni Ingram, ang 11 ka mga maanyag ug takos sab alang sa korona nga mga kandidata atol sa pageant night nga gipahigayon niadtong Biyernes sa Mandaue City Cultural and Sports Complex.

Naangkon sab ni Ingram ang minor awards nga Best in Talent ug Miss Congeniality.

First-runner si Kyra Hopkins kinsa nihakot og ubay-ubay ka minor awards sama sa Best in Evening Gown, Best in Swimsuit, Best in Headshot, Miss Photogenic, Best in Funwear ug Media's Choice Award.

Napili nga second runner-up si Angellei Garcia.

Tulo ka hugna ang tinaktakay sa Miss Mandaue. Ang 12 ka mga kandidata gipailawom og Q&A, diin pagkahuman, gipili ang Top 6.

Laing Q&A na sab, diin ang pangutana, gikan sa mga hurado. Human niini, gipili ang Top 3, kinsa nitubag og usa lamang ka pangutana.