Dani, nakulbaan sa acting project

Giangkon sa kanhi Sinulog Idol runner-up, ug karon sakop sa GMA7 girl group XOXO Dani Ozaraga nga nakuyawan gyud siya pagdawat niya sa teleserye nga Hearts On Ice.

Bida niini sila si Xian Lim ug Ashley Ortega, ug mao kini ang unang acting project ni Dani nga aduna gyud siyay role, sukwahi kaniadto nga cameo ra siya busa dali ra kaayo. Dinhi, isip bestfriend sa bida, kanunay gyud makita si Dani.

Suma pa niya ngadto sa gmanetwork.com: Sa totoo lang, at first I was so scared kasi feeling ko 'di ako fit para sa role since I don't have the physique of a figure skater and I didn't know how to skate. Kaya inisip ko na lang na may reason kung bakit nakuha ko ang role na ito kaya I need to prove to them na tama ang desisyon nila for getting me."

Hinuon, nakomportabli ra siya dayon sanglit buotan ug makalingaw ang iyang mga kauban.

"All I can say is sobrang bait ng mga production staff lalo na si Direk [Dominic Zapata] na sobrang haba ng pasensya sa aming lahat since most of us are newbies. Every taping day is a learning experience for me," niya pa.

Malakip sab sa Hearts On Ice sila si Amy Austria, Rita Avila, Tonton Gutierrez, Lito Pimentel, Ina Feleo, Cheska Iñigo, Roxie Smith, Kim Perez, ug Skye Chua. Apil sab sila Shuvee Etrata ug Ella Cristofani.

Ang Hearts on Ice, mulugwa na sa March 13 sa GMA Telebabad.