Ikakasal na ang babe ko

Isa sa kinakikiligan ng mga netizen social media ay ‘yung mga post ng mga marriage proposal. (kahit ‘di naman sila invited sa kasal!) Trending madalas ‘yung mga may kakaiba, kakatuwa o kakaaliw na proposal, artista man sila o ordinaryong couple. (sana lang may forever sila ha!)

Naalala ko nung 2018, nung mapagtripan naming ni TV Host-Actress Valeen Montenegro na magpa-picture na ako ay nakaluhod at sinusuotan s’ya ng singsing.

Pinost namin ‘yan sa aming mga social media accounts. Maraming kaibigan, kakilala at mga netizen ang naniwalang engaged na kami. ‘Yung iba kasi sa mga ‘yan, pinagdududahan ‘yung closeness namin at ‘yung tawagan naming :”Babe”. (as if naman! Feeling kasi nila tomboy talaga ako!) Naging kaibigan ko ‘yang si Valeen dahil marami kaming pinagsamahang programa noon sa TV5. Katuwaan lang ‘yung photo na ‘yun kasi nasa isang nail spa kami, at gusto ng staff na mag-picture kami para ma-promote ‘yung establishment nila (at para libre na pakutkot namin ng kuko!)

FU: (lumuhod  sa harap ng Valeen!) Ayan kunwari nag-propose, para kita ‘yang kuko mo!

Valeen: Ay wait! Nasa bag ko ‘yung singsing na bigay ng lola ko! Isuot mo sa’kin!

FU: Akin na para may effect! In fairness sa lola mo ha, on cue!

(Boom! Nagmukhang marriage proposal ang naging pictorial!)

Kamakailan, ibinahagi ni Valeen at ng boyfriend niyang Director-Photographer na Si Riel Manuel na engaged na sila. (at ang taray ng production design, sa forest!)

Ang caption ni Valeen: “Easiest Yes! What seemed to be an ordinary Thursday, unexpectedly turned into my favorite day! Ladies and Gentlemen.. my Beyonce!” (tamis tamisan sina babe at koya na 4 years nang mag-nyowa!)

Agad ko namang minessage sa chat si Babe nang makita ko ang post nilang ito.

(syempre binarubal ko lang s’ya!)

FU: So bakit????????!!!! Hahahahha.

Valeen:  Hahahaha thank you so much for that wonderful question!

FU: Ano ba yan???????!!! Hahahaha.

Valeen:  Hahaha. Eh kung i-congratulate mo  kaya akoooooo! Hayup ka!

FU: Totoo ba yan?!!!! Bakit ka nag-yes?!!!! Hahahhahhaha

Valeen: Hindi! Joke lang ‘yan!

FU: Hahahaha! My gaaaaaad! Sige na nga, we are happy for the both of you!

Valeen: Hahahhaha! Thank you babe!

(so censored na ‘yung sumunod na usapan!)

I wish you all the best in the universe Valeen and Riel! (babe pa rin tawag ko sa’yo, habang baby naman sa magiging mister mo!)