Mga tawo ra sab

Gitubag ni Rica Peralejo ang pangutana sa usa niya ka follower sa Tiktok kabahin sa iyang pagka isnabera kaniadto kun adunay ganahan magpa picture.

Suma pa niya nga aduna gyuy artista nga "introvert" sama niya. Ang introvert, suma pa sa Merriam Webster dictionary, hilumon nga tawo ug ganahan lang mag-inusara.

"Honestly, this is something I’ve been wanting to talk about as [an] artista kasi alam niyo nag simula talaga ako mag artista 12 palang ako and I’ve always suffered from the ‘you need to be nice and kind and accommodate everyone when you’re going out’ I think on so many levels, nahihirapan ako kasi first introvert ako,” paambit ni Rica.

Matud sa 41-anyos nga vlogger, nilanat og pipila ka tuig usa pa siya naka adjust. Nag-adjust siya sanglit gikinahanglan sa sama niyang anaa sa showbiz. Pero niya pa, angayang hinumduman nga ang mga artista mga tawo ra sab, buot magkinabuhi nga normal.

"When we're out it's not as if we're out because we're going to engage people, it's really more of like running errands or being with ourselves. So it's like catching the celebrity in a very ordinary kind of day mood like seriously, sino ba yung tao na gustong mag papicture 24/7 ng buhay niya,”  pamunto niya.

Matud ni Rica ngadto sa iyang followers, iya lamang gihatagan og lahing panlantaw ang publiko kabahin sa mga artista nga mga tawo ra sab sama sa kanato.

"Binigyan ko lang kayo ng perspective kasi siyempre minsan we also feel bad when we can’t accommodate everybody, kasi tama [kayo], when we’re out were actually doing normal people things. But iniintidi nalang namin na siyempre ganun [talaga] kapag public figure ka,” niya pa./Gikan sa PUSH

Kamo na  mga daiz!

O lagi, mga gwapa ug sexy lagi mo mga daiz! Pero giunsa diay mo? Pasuya much?

Kun si Chie Filomeno anaa sa baybayon nagpadaylang sa iyang nindot nga lawas, si Barbie Imperial anaa sa swimming pool nagbabag.

Dili mahadlok ma laos

Hagbay rang nakaandam si Diamond Star Maricel Soriano sa pag-abot sa adlaw nga dili na siya sikat.

Sa latest vlog ni Maricel gipangutana siya sa iyang pag-umangkon nga si Meryll kun mahadlok ba siya nga ma laos?

"Hindi. Kasi from the start, bata pa ako, alam ko na iyan. Sinabi na nila sa akin. Sabi nga nila, lahat ng bagay may katapusan… Kaya dapat laging handa. Dapat girl scout ka, laging handa,” diretso niyang tubag.

Gipahinumduman ni Maricel ang mga artista sama niya nga angayang magmapasalamaton sa kanunay.

"Hindi pwedeng hindi ka maging handa dahil parang buhay din ito na [marami] ang maaaring mangyari. Maaaring mangyari na sumikat ka—maraming, maraming salamat. Paano kung hindi? Maraming, maraming salamat pa rin dapat,” niya pa.

Matud niya nga moabot gyud ang adlaw nga adlaw nga dili na sikat ang usa ka artista gumikan kay aduna na puy bag-ong musulbong.

"Kung sumikat ka at tapos na yung time mo, ibigay mo naman sa iba. Ganun talaga yan, eh. Natapos na yung time mo, share it naman with others,” dugang pa niya.

 Nahisgustan sab sa maong vlog nga naghinamhinam na ang award-winning actress sa pagahimuon niyang teleserye sa ABS-CBN. Mag-ulohan og "Linlang", sila si Paulo Avelino, Kim Chui ug JM de Guzman maoy makauban ni Maricel.

"Parang ready ka na ulit umarte. Alam mo ‘yung sumisigaw ‘yung puso mo na, ‘Game na, Mary!’” paghulagway niya. /Gikan sa PUSH

Mutual feeling

Managsama ang kagustuhan nila ni Bea Alonzo ug Carla Abellana nga magkauban sa trabaho. Natribukar kining tanan human nga nagkauban ang duruha ka kapuso stars sa All Out Sunday niadtong Domingo. Gipadayag ni Carla sa usa ka post nga dream niya kaniadto pa ang makatrabaho si Bea, apan medyo imposibli pa sanglit didto pa sa ABS-CBN ang nahisgutan. Gitubag ni Bea ang post ni Carla nga ganahan sab siya nga magkatrabaho sila.

Naloka sa online order

Nagpatabang si Angelica Panganiban sa iyang fans kinsay makontak niya sa Bureau of Customs. Kini kay naliki siya sa iyang bayranan sa iyang gi-order nga swimsuit. Suma pa niya sa iyang tweet, P7K ang kantidad sa iyang gi-order nga swimsuit gikan sa gawas sa nasud, apan pag-deliver gipabayad siya og P8, 211.

Batang Quiapo  mulugwa na

Mobalik na si Coco Martin sa primetime television sunod tuig. Kini pinaagi sa TV version sa pelikula ni anhing Fernando “Da King” Poe Jr., nga Batang Quiapo. Gipaila na sa ABS-CBN niadtong nilabay nga gabii ang mga artista nga maglangkob sa maong teleserye. Leading lady ni Coco ang anak mismo ni Da King nga si Lovi Poe. Malakip sab sila si Christopher de Leon, Pen Medina, Alan Paule, Cherrie Pie Picache, Susan Africa, Mercedes Cabral ug Charo Santos Concio. Malou Santos ug Coco maoy mga director niini.

Star Center

 Aduna nay talent arm ang NET25 nga tawgon nila og Net25 Star Center, ug ang actor nga si Eric Quezon maoy modumala niini. Nagpinirmahay sila og kontrata niadtong nilabay nga Lunes. Buot pasabot mag-train na sila og ilang kaugalingong mga artista isip pangandam sa ilang mugnaon sab nga youth-oriented show.

Gitraydor sa inahan?

Nagyawyaw og maayo si Matet de Leon batok sa iyang inahan nga si Superstar Nora Aunor kay gitraydor matud pa siya niini pinaagi sa pagbaligya og kumpetensya nga produkto. Suma pa ni Matet dugay ra siyang namaligya og gourmet toyo, apan giingnan na lamang matud pa siya nga mag-reseller na lamang siya sa produkto sa iyang mama sanglit maayo man sab siya og kinitaan karon gumikan kay daghan siya og tv shows. “Pinaghihirapan namin ang pagtitinda. Bakit all of a sudden, nagulat na lang ako, naglabas ang nanay ko ng direktang kumpitensya ng produkto ko. Alam niyang may produkto akong ganyan. Marami naman daw akong taping. Ano sa tingin niyo gagawin ko ngayon? Ano magandang gawin? Kung may anak kayo, GAGAWIN NIYO BA SA MGA ANAK NIYO TO”, tipik sa post ni Matet.