Bully nga mga artista

Gipadayag ni Raymond Gutierrez sa labing bag-ong podcast ni Wil Dasovich nga gipagawas sa Youtube sa maong vlogger niining bag-o lang nga nakasinati siya og bullying niadtong nagsugod pa lamang siya sa showbiz isip host sa GMA7.

Kun moagi matud pa siya, makadungog siya sa mga artista nga mangutana: Yan yung bakla? Matud ni Raymond, tuyuon gyud matud pa sa mga artista og padungogdungog niya, hinungdan nga makuyawan siya kun musulod og dressing room kaniadto.

Nakasabot si Raymond nga ang uban matud pa nahulga niya kay nagtuo sila nga gi-target niya ang ilang mga trabaho. Si Wil sab sa iyang bahin nipadayag nga nakasinati sab siya og bullying human niya og salmot sa Pinoy Big Brother. Niadtong nagsugod na siya og kadawat og mga roles, kanunay matud pa siya nga pagawson sa dressing room kay dili makasabot ang ubang artista sa iyang ka aktibo, labihan matud pa siya og energy.

Gibutyag sab niya nga kun may senior star nga giayo siya og tratar, kana mao ang amahan ni Raymond nga si Eddie Gutierrez. Dili matud pa motambay si Eddie sa dressing room, busa may higayon nga nag-sandwich sila ug nag-istorya lang.