Pito ka buwan nga wala’y trabaho

CEBU, Philippines — Gibutyag ni Sharon Cuneta nga pito ka buwan na siya nga wala’y trabaho apan bisan pa man niini, nagpadayon gihapon ang iyang pagtabang sa mga naapektohan sa krisis karong panahona.

Sa iyang Instagram Live , gibutyag ni Shawie nga importante kaayo nga magtigom gyud.

Samtang wala pa siya ‘y mga concert , TV shows ug pelikula , mo-focus lang una ang aktres sa iyang YouTube channel nga Sharon Cuneta network .

Jake nakadaog sa US

Dungan sa selebrasyon sa pride month, nakakuha og pasidungog si  Jake Zyrus sa bag-ohay lang nga 50th US International Film and Video Festival.

Nakuha ni Jake ang Golden Camera award alang sa iyang self titled special documentary nga “Jake and Charice” nga gipasalida didto sa  sa Japan niadtong 2019.

Sa Facebook post sa official account ni Jake, gipaambit niini ang maong taho.

“Congratulations Jake Zyrus and to the whole team for winning the Gold Camera award in US INTERNATIONAL FILM AND VIDEO FESTIVAL for his documentary aired in Japan last November 2019. Thanks to all the people behind the success. Our heart is beyond grateful,” suma pa sa  post niini.

Ang “Jake and Charice”  naghisgot sa kinabuhi ni  Jake Zyrus isip transman .

Gi-produce kini sa mga  Japanese nga sila si Shin Yasuda,Akiko Tabakotani, Keiko Tsuneki, Kenji Hyodo ug direktor nga si Hiroko Ninomiya uban usab sa tabang sa NHK (Japan Broadcasting Corporation), Tokyo NHK Documentary Japan ug NHK Enterprises kauban ang  ABS-CBN nga talent handler ni Jake dinhi sa  Pilipinas.

Mi-click dayon

Haom kaayo sa sitwasyon nga The One That Got Away o TOTGA ang latest single sa Ben&Ben nga “Lifetime”.

Ang maong awit sinuwat mismo sa magsuong Paolo ug Miguel Guico.

Matud pa nga gihangop dayon sa publiko ang maong awit.

Nasayran nga dili na gyud mabangbang ang kasikat sa Beng&Ben gumikan kay  ni-click gyud ang kasagaran nila nga mga kanta nga sama sa Kathang Isip , Araw-Araw, Pagtingin ug uban pa.

Daryl gi-ban sa Dos

Gitataw sa singer nga si Daryl Ong nga wala siya mohawa sa ABS-CBN , siya maoy gi-ban niini.

Produkto si Daryl sa ABS-CBN reality show nga The Voice of The Philippines Season 2 niadtong 2014.

Siya ang nagkanta sa mga  theme song sa pipila ka mga teleserye sa ABS-CBN sama sa "Ikaw" sa FPJ's Ang Probinsyano, "Stay"sa  On The Wings of Love, ug “Ikaw Na Nga" sa Bridges of Love.

Nagpagawas og video Daryl sa iyang YouTube account .

Matud pa sa singer nga nahatagan og malisya ang topic nga iyang gihisgotan kauban sila si  Bugoy Drilon ug Michael Pangilinan.

 Tua sila sa airport niadtong higayona ug naghisgot sila kalabot sa franchise issue sa ABS-CBN.

Wala niya damha nga dunay nag-record niini ug gipadala sa usa ka dakong opisyal sa ABS-CBN.

Matud pa niya nga wala siya’y gisulti nga bati sa maong network.

Suma pa singer nga wala siyay kalagot sa ABS-CBN, gani dako siya og utang kabubut-on niini.

Kris nagpasalamat sa iyang loyal followers

Pinaagi sa iyang latest Instagram post, nagpasalamat si  Kris Aquino sa iyang loyal followers  sa wala gyud pagbiya kaniya ug andam na usab siya mosulod sa bag-ong chapter sa iyang kinabuhi.

"I don't know if you're like me, but I somehow believe my mom communicates with me in my dreams, most especially when she wants to reassure me that I'm on the right track,"  tipik sa post ni Kris.

Wala pa gidetalye  ni Kris kun unsa nga partikular nga butang ang gihulagway niya nga “new chapter”.

"To all of you who have been patiently waiting, and also praying with and for me, malapit na. Thank you for also not giving up," dugang pa niya.

Maine na-starstruck kang Rico

Giidolo ni Maine Mendoza ang internet sensation sa Tiktok nga si Rico Bautista busa na-starstruck gyud siya niini sa dihang nilugwa kini sa Eat Bulaga sa miaging adlaw.

Wala kaantos si Maine , nagpahulagway gyud siya kang Rico.

Nailhan  si Rico sa “Walang ganu’n Mars” series.

“Rico, idol kita! Oo naiyak ako kanina, na-starstruck ako!,” suma pa ni Maine.

Coco modagan pagka-senador?

Niulbo karon ang mga hungihong nga gidasig si Coco Martin sa pipila niya ka higala nga modagan pagka-senador karong  2022.

Laing taho ang nitumaw nga kun mosulod sa politika ang aktor , usa sa motabang kaniya mao ang co-star niya kaniadto sa Ang Probinsyano nga si Sen.Lito Lapid.

Tak-om lang si Coco sa maong report  sanglit busy kini sa pagbalik sa taping sa Ang Probinsyano.

Natural nga pagpanganak

Gitinguha sa nagsabak nga aktres nga si Coleen Garcia nga manganak puhon sa natural nga pamaagi.

"And unmedicated is my goal. I started watching my birthing classes yesterday, it's all online. I started watching it. It's from the States. It's centered on natural, unmedicated birth and I watched the first session yesterday and I was crying. I was crying because it looks so hard," suma pa ni Coleen .

Sa inisyal niya nga plano, target unta niya ang water birth.

"(But) because of (COVID-19) they are not doing water births in the hospitals anymore and then like right now actually the dads are not even able to accompany the moms. Sana by then things will loosen up a bit. September pa naman pero right now that's what happening eh," dugang pa niya.

Duna na’y plano si Coleen ug ang iyang bana nga si Billy Crawford sa mahimong pangalan sa ilang anak.

"The first name is pretty unique but the second name, Billy wanted the name of his dad or even his name Joe. We have options," suma pa ni Coleen.

Negatibo ang resulta

Mahimo na makabalik sa taping sa mga show niya sa ABS-CBN ang TV host nga si Bianca Gonzales . Suma pa ni Bianca nga negatibo ang resulta sa dihang nagpa-COVID-19 test siya.

Responsibilidad sa mga anak

Gikumpirmar ni Sunshine Cruz nga nituman na gyud si Cesar Montano sa responsibilidad niini sa ilang tulo ka anak.

“This year, nagkaroon na siya ng participation… mas may participation na siya sa mga bata.They are in touch. Minsan magkasama pa silang nagsisimba,”  suma pa sa aktres sa interview niini sa online show ni Ruffa Gutierrez nga Live Thy Chika.

Nagpadala og pagkaon

Nagpadala og mga pagkaon si Nora Aunor alang sa kapin sa 500 ka stranded OFWs sa Villamor Air Base. Suma pa nga wala gihapon kauli sa tagsa tagsa nila ka mga probinsya ang maong OFWs.

Mipasilong sa GMA

Nipirma og kontrata sa GMA Artist sa miaging adlaw ang  Fil-Spanish chef ug actor Jose Sarasola . “I'm very happy and excited for another challenge, since I want to do more in my career in terms of enhancing my cooking profession and striving to be a celebrity chef as well,” niya pa.

Online acting workshop

Nagpasiugda  si Gladys Reyes og online acting workshop . Suma pa sa aktres nga panahon na pud nga siya ang motudlo sa mga nakat-onan niya sa showbiz sulod sa taas nga panahon.

Magpaabot lang

Wala pa ‘y ideya sila si Seth Fedelin ,Andrea Brillantes, Kyle Echarri ug  Francine Diaz kun unsay mahimong kapalaran sa ilang nakalinya nga mga proyekto . Magpaabot ra sila sa isulti sa ilang management sanglit dili pa sila mahimong makagawas karong panahona tungod sa COVID-19 pandemic.

Naningkamot og maayo

Gibutyag sa  Kapamilya actress nga si Beauty Gonzalez nga dili pud lalim ang iyang naagian sa wala pa niya nakab-ot ang kalamposan sa iyang career. “You know what, I just really work hard in everything I do, I give my best 100 percent, ibibigay ko talaga kung ano ang ibinigay sa akin na role and kung paano ko gagawin ‘yung role,” matud pa ni Beauty.

Mensahe sa inahan

Nipadangat ang kanhi  “Pinoy Big Brother” housemate nga si Karen Reyes sa iyang birthday message alang sa iyang anak nga si Olivia. “To my Olivia... Happy happy 3rd birthday, Anak! Ikaw, kayo ni Lukas ang dahilan kung bakit malakas, masaya at matapang ako.. Sobrang swerte ko saiyo Bebu ko, meron akong malusog, bibo, malambing at mabait na anak syempre makulit,” matud pa ni Karen.

Ipasalida karong October

Malipayong gipahibalo ni Gal Gadot ang bag-ong release date sa Wonder Woman 1984 movie.Matud pa niya  makita kini sa mga sinehan karong October 2.

"The new release date for WW84 is October 2, 2020. Wow, it's finally happening, and I couldn’t be more excited! To all the fans that stuck with us through this time, thank you so much! We couldn't have done this without you," suma pa niya.

Nag-cover sa 10,000

Nag-post og bag-ong song cover si Kristel Fulgar sa iyang YouTube Channel. Giawit niya ang kanta ni Justin Bieber nga “10,000”. Una na nga gibutyag ni Kristel nga wala niya damha nga mo-click ang iyang mga video.

“Never thought that I would get this far. When I started these YouTube channels and doing song covers and vlogs, I always have this mindset, ‘I’m doing this for fun and to keep memorable moments’. I hope this serves as an inspiration to those who are aspiring to be a YouTuber as well," suma pa niya.