Gihangop sa mga kauban

CEBU, Philippines — Mainitong gihangop sa mga Kapuso stars ang singer nga si Rachelle Ann Go sa pagbalik niini sa GMA Network human sa taud-taud nga panahon nga nagpokos sa iyang karera sa teatro  sa laing nasud. Lakip sa mga nihangop kaniya mao silang Christian Bautista, Aicelle Santos, Derrick Monasterio, Rayver Cruz, Kyline Alcantara ug uban pa. Ni-guest sab si Rachelle sa All-Out Sundays kagahapong adlawa.

Nakadaog na sad

Midaog isip Best Male Singing Performer ang Kapuso singer nga si Anthony Rosaldo atol sa gihimong National Customers' Choice Achievement Awards (NCCAA) sa miaging adlaw. Mao kini ang ikaduhang higayon nga nidaog ang The Clash Season 1 finalist sa maong prestigious award.

Magbaha ang mga programa

Nagponsisok ang  upcoming shows sa ABS-CBN karong tuiga taliwala sa isyu kalabot sa pag-renew sa  franchise  niini . Lakip sa mga naka-line up nga mga teleserye mao ang Tanging Mahal nilang Kathryn Bernardo ug Daniel Padilla, Kahit Minsan Lang nilang Bea Alonzo ug Richard Gutierrez, Heart to Heart nilang Maymay Entrata ug Edward Barber, ug What Matters Most nilang Jodi Sta. Maria, Iza Calzado, Sam Milby ug  Maricel Soriano.

Bag-ong naghupot sa korona

Opisyal na nga gihulipan ni Aya Abesamis ang Sugbuanong beauty queen nga si Samantha Lo isip Bb. Pilipinas Grand International 2019. Gipaila-ila si Aya pinaagi sa post sa official Facebook page sa Binibining Pilipinas niadtong Sabado, Enero 18.

Naapil ang balay

Gipaambit sa magtiayong Gwen Zamora ug David Semerad sa social media nga naapektuhan sa pag-uwan og abo sa Bulkang Taal ang  balay nila didto sa Batangas. Tulo ka buwan na ang maong balay sukad kini gipatukod. "It was honestly heartbreaking, seeing Tagaytay as if it were in a black and white filter. It gave tears to my eyes,"post pa ni Gwen sa Instagram.

Midepensa si Ella

Gitubag sa aktres nga si Ella Cruz ang pasangil sa ubang netizens ngadto kaniya nga daw giangkon  niini ang tanang credit sa bag-o lang nahuman nga  dance performance niya ug sa SB New Gen dancers atol sa  K-pop group BLACKPINK fan meet didto sa Jakarta, Indonesia. “Never ko tinake lahat ng credits FYI. Mga tao talaga balakaujan! Basta nakasayaw ako sa harap ng BLACKPINK,”sigon pa ni Ella.

Excited na!

Naghinam-hinam na matod pa ang beauty queen nga si Shamcey Supsup sa gama sa mga bag.ong batch karon nga Miss Universe PH 2020 contestants. Kahinumduman nga sa niaging tuig natuboy isip Miss Universe Philippines (MUP) National Director si Shamcey Supsup.

Todo limod

Mideny ang aktor nga si Jeric Gonzales kalabot sa nabalitang break-up matod pa nila sa non-showbiz girlfriend niini tungod ni Sheryl Cruz. Giklaro niini nga wala siya'y uyab karon busa wala'y kamatuoran ang naggawas nga balita."Unang-una, wala naman akong girlfriend ngayon kaya paano magkakaroon ng dahilan para mag break-up? Single po ako ngayon,"sigon pa niini.

Gitubag ni Gerald

Gitubag sa aktor nga si  Jerald Napoles ang isyu nga daw iya lang gigamit ang uyab nga si Kim Molina para mosikat siya."Opinion niyo 'yan so gagalangin niyo opinion niyo," sigon pa ni Napoles atol sa pagbisita niya sa programamg "Tonight With Boy Abunda."

Dili gusto og late

Gipaambit sa aktor nga si Jak Roberto ang butang nga dili gusto buhaton sa iyang uyab nga si Barbie Fortiza. Dili matod pa ganahan si Barbie nga ma-late sa iyang trabaho ug sa tawo nga pirmi maulahi.