Thank You, Lord!

Cebu, Philippines —Hello mga BisChikadora! Domingo na usab ug dili nato kalimtan ang pagsimba. Bisan unsa pa man ka busy nato sa inadlaw adlaw nga panikaysikay mugahin kita og usa ka oras para sa atong Ginoo. Magpasalamat sa tanang grasya nga atong nadawat.

God works in a mysterious ways gyud mga BisChikadora kay niaging semana naay raket ang among YurEvents&Productions team sa usa ka mall sa Mandaue, diin two weeks palang before the event nag- coordinate nako for the hotel, venue, talents, prizes, lights and sounds ug uban pa. Pero adunay mga butang nga dili nato kontrolado kay a day before the event, niabot dinhi ang Manila staff, unya kalit nga nanawag nga dili madayon ang event. Makaminghoy apan naka ingon ko there's a reason for everything! Tuod man pagkagabii, pagkahuman sa among Kapuso Mall Show sa Consolacion nakabalita ko nga ang usa ka mall gitulis! Nagkagubot ang mga tawo sa mall. Naka ingon ko mao ni ang tubag sa among pangutana nganong wala nadayon ang event. Kay didto sa maong mall gyud unta among event sa samang adlaw ug takna. God protects us with His Love. Thank you Lord!

Sa laing bahin, malampuson ang Kapuso Mall Show kauban ang cast sa Beautiful Justice nga silang Derrick Monasterio, Gabbi Garcia, Gil Cuerva ug Yasmien Kurdi, and hosted by Yur's Truly. Sa wala pa nagsugod ang main show, nagpaduwa usa kami kauban ang mga sponsors brand.

Makabungog ang singgit sa mga fans sa dihang tagsa tagsa ni perform ang mga Kapuso artists. Swerte kaayo ang mga fans kay nanaug pa sila sa stage para mahimamat ang mga Kapusong Cebuano. Dagko kaayo ang ilang mga ngisi pagpauli nila sa tagsa tagsa ka panimalay.