Samantha mitingog na!

CEBU, Philippines — Nagpabiling determinado ang  pambato sa nasud nga si Samantha Ashley Lo nga malangkat ang titulo nga Miss Grand International. Una na nga gibutyag sa beauty queen nga naabot na siya sa Venezuela kun diin ipahigayon ang maong indigay.  Kahinumdoman nga nikisaw ang pangalan ni Samantha sa dihang wala kini kalugwa sa pre-activities sa Ms. Grand International.  Una na nga nigawas ang tsika nga matud pa nigamit siya og peke nga passport hinungdan nga natanggong kini sa airport. Sa latest social media post ni Samantha,nihatag kini og katin-awan sa isyu nga iyang giatubang.

“Despite what happened last week and the trauma that came with it, I have moved forward and pursued this journey knowing that I did not intentionally commit any of the acts that have been unfairly attributed to me.But yes, my local organizer, who handled my travel preparations, failed to equip me with the proper transit visa that may have enabled me to complete my earlier trip to this host country.And when this is all over, I hope to bring home the crown and glory to the Philippines and our people,” tipik sa iyang post.

Giiingong dunay pagkulang ang  local organizer nga maoy napreparar sa  iyang  paglarga.

Dili matud pa lalim ang iyang giagian apan paningkamotan gyud niya nga makahatag og dungog sa nasud.

“It is not easy for me to do this — I still struggle with the fear and the trauma of recent days — but I know there is a bigger picture here and I will not let such fear silence me or deter me from the grand task ahead, “dugang post sa beauty queen.  Mahitabo ang Miss Grand International coronation sa Caracas, Venezuela, karong October 25.

 Kapuso mall show ... 

Gidumogan sa mga Sugbuanon  ang mga bitoon  sa Kapuso series  nga Beautiful Justice niadtong Sabado didto sa SM City Consolacion . Ang maong mga artista gilangkoban nila ni  Derrick Monasterio, Gabbi Garcia,  Yasmien Kurdi ug Gil Cuerva.

Khalil ug  Sue magpares sa Netfilx film

Nakig-partner  ang Globe  sa  Netflix alang sa  original film nga nag-ulohan og  Dead Kids. Ang banggitang direktor nga si Mikhail Red maoy modumala niini. Sila si Khalil Ramosug  Sue Ramirez maoy mga bida niini.  Malipayon si Khalil nga malakip sa labing una nga Filipino Netflix Film.  

Gugma nga dili tinud-anay

Tsika pa ni  Marco Gallo nga   dili “ true love”   ang pagbati nila ni  Juliana Gomez   sa usag-usa   hinungdan nga wala nagdugay ang ilang relasyon.

 “I believe, I didn’t find love, like real love yet. It could be like a crush thing, it could be a temporary thing, but the real love, I don’t know what it is yet. I don’t have an explanation for it. Probably because I’m too young or probably it’s just I didn’t find it yet. Pero, siguro naman, kung totoong pagmamahal namin noon ni Juliana, eh, di kami pa rin ngayon, di ba?”,” suma pa niya.

Wala pu’y plano si Marco nga makigbalk kang Juliana. 

Ms. Universe 2019 pagahimoon sa Amerika?

Niulbo karon ang tsika nga matud pa sa Amerika pagahimoon ang  Miss Universe 2019. Gawas sa Amerika, gipilian usab kaniadto nga mahimong host sa maong indigay karong tuiga mao ang  Pilipinas, South Korea,  uf Qatar. Ang garbo sa Pilipinas nga si Catriona Gray maoy kasamtangang naghupot  maong Korong.  Todo pangandam na usab  ang pambato sa nasud sa Ms. Universe 2019  nga si  Gazini Ganados nga nagmalaumon nga maangkon ang back to back title.