Lloydie mobalik sa pag-arte

CEBU, Philippines – Naukyab ang fans ni John Lloyd Cruz sa  dihang nasayran nila nga mobalik sa pag-arte ang idolo nila  pinaagi sa Metro Manila Film Festival entry hopeful   nga Culion.

Katapusang pelikula ni John Lloyd  mao ang nagmalampuson nga pelikula nila ni  Sarah Geronimo nga Finally Found Someone  niadtong 2017.

Makauban  ni John Lloyd  sa  Culion mao sila si  Iza Calzado, Meryll Soriano, Joem Bascon ug Jasmine Curtis Smith.

Ang producer  sa Culion nga si  Shandii Bacolod nipadayag nga nakatrabaho na niya kaniadto ang aktor busa wala siya maglisod sa dihang giimbitar niya kini sa bag-o niya nga proyekto. 

Park Seo Joon gikagubtan sa mga Pinoy

Gidumogan sa bagang dout sa katawhan  ang Korean superstar nga si Park Seo Joon  atol sa iyang fans day  dinhi sa  Pilipinas partikular na sa  SM Mall of Asia Arena niadtong Domingo.

Puwerting lipaya sa  aktor sa dihang iyang nakita ang nagbaha niya nga Pinoy fans.

Si Park Seo  ang latest  endorser sa  clothing brand  nga  Bench.

Nailhan  siya sa kadaghanan tungod sa iyang television series  nga  “What’s Wrong with Secretary Kim” ug  “Fight for my Way,”

Nagmalampuson usab ang pelikula niya nga  “Midnight Runners” ug  “Divine Fury”. 

Jessica Jung ug Heart  nag-abot

Usa si Heart Evangelista sa mga  fashionista  nga nitambong sa  bag-ohay lang nga Paris Fashion Week.

Sa  usa ka kalihokan  , nahimamat ni Heart  ang sikat kaayo nga  K-Pop star nga si Jessica Jung ug nagkatupad  gyud sila niini. Abtikay dayon ang photographers  sa pagkuha sa ilang hulagway  kun diin nagtupad ang mga sikat kaayo nga  artista nga gikan sa Pilipinas ug South Korea.  

Pinay actress pasok sa Hollywood project

Nalakip ang Pinay actress nga si  Michelle Lagumen Wong sa  latest  Dreamworks animated film nga Abominable.

Si Michelle maoy  nagdala sa tingog   sa inahan sa  bida nga karakter nga si Yi, nga gidala sa  Hollywood star nga si Chloe Bennet.

Suma pa sa aktres nga wala niya damha nga mahimong voice talent sa maong dako nga proyekto.

“We had the time to be able to sort of play around with every scene. We  really got to do it as many times as we felt we needed to, to get it right,” saysay pa niya ngadto sa ABS-CBN News.

Nagdako si Michelle sa San Diego, California  ug usa ka  Pinay ang iyang inahan.

Pia nag-emote sa iyang vlog

Giangkon sa beauty queen nga si Pia Wurtzbach nga bisan paman sa iyang istado karon,  duna gyuy mga higayon nga dili siya okay.

“Gusto ko maging honest, alam mo ‘yun?”. There are days na hindi ako okay, na paggising ko parang ang bigat ng gabi. May dinala akong bigat from kagabi tapos dinala ko today, or dinala ko sa paggising ko,” saysay pa niya  pinaagi sa iyang latest vlog.

Giangkon ni  Pia nga maglisod siya sa  pagpangita og “true friends”  bisan paman nga usa siya ka  celebrity.

 “It’s not that I have enemies. It’s more of like… It’s a very complicated life that I live in because you don’t really know who your true friends are. Or you think you do, then turns out they’re not,” saysay pa niya.

Dili gyud matud pa matino kun kinsa ang mga tawo nga mo-unong kaniya.

“Parang in the end, you don’t really know who has your back. Nadadala mo siya kahit minsan gusto mong kalimutan,” dugang pa ni Pia.

Pinoy films sa Busan International Film Festival

Masaligon si Pia nga pinaagi sa pag-ampo, mahimong okay ang gisagubang  niya nga  pagsulay.

 “Sa mga moments na ganito, I just pray. I pray na sana ma-let go ko ‘yung feeling na ‘yun. Sana mawala siya, sana mabura siya and then I can continue on with the day happy, happy again,” saysay pa sa beauty queen.

Gipaneguro ni Pia  nga iyahang i-enjoy ang blessings nga  iyang nadawat.

 “And that’s what I did today. I just want to be honest and say that I woke up not 100% today, and that’s okay. What’s important is you realize [na] alam mo ‘yung mga blessings mo, you’re grateful and you just how to let go. So that’s what I did today,” suma pa niya. 

Gipistahan sa Twitter

Nahimong #1 trending topic  sa  Twitter nationwide ang  bag-o nga teleserye sa GMA-7 nga “One of the Baes” nga nagsugod niadtong Lunes.

Gibidahan kini nila ni Rita Daniela ug  Ken Chan.Nagtangag kini sa hashtag nga #OneOfTheBaesPilot.

“Salamat sa lahat ng mga nanood ng unang pusod ng One of the Baes. Maraming-maraming salamat sa lahat ng nag-tweet. Sana po kumapit lang po kayo at huwag kayong bibitaw sa story nina Jowa at ni Grant,” saysay pa ni Ken pinaagi sa iyang  Instagram account.

Jowable  naka-P47.5 milyon na!

Sulod sa unom ka adlaw nga pagpasalida, mikita na  og kapin  sa P47.5 milyon ang   pelikula  ni Kim Molina  nga  Jowable  hinungdan nga nagmaya og maayo ang komedyanteng aktres.

Gipaabot nga motaas kini og maayo sa sunod nga mga adlaw gumikan kay padayon pa kini nga gipasalida sa mga sinehan.

Ang maong pelikula gipasalida niadtong September 25  ug nakadawat kini og mga positibong review. Gipaluyohan sa  Viva Films  ang maong big project ni Kim.