Nigara na si Migo?

Sanden: Mga Kabanatanay, maayong adlaw kaninyong tanan ug siyempre congratulations sa hampas lupa nga si Jaypee Lao kinsa nitapos na sa Expanded Tertiary Education Equivalency and Accreditation Program (ETEEAP). Dili ta maglangan, ari ta sa atong topic karong adlawa. Bisan nangayo na og pasaylo ang aktor nga si Migo Adecer sa hit-and-run incident nga gikalambigitan niya sa miaging semana, gisumsoman gihapon siya sa iyang mga kritiko. Hay nako mga kahigalaan, duna gyu’y ubang tawo ang feeling perpekto sa ilang kinabuhi. Pinaagi sa iyang abogada nga si Marie Glen Abraham-Garduque, miisyu og public apology ang Kapuso actor sa tanang naapektuhan sa iyang kasaypanan.Nangayo og pasaylo ang aktor sa duha ka Metro Manila Development Authority (MMDA) officers nga sakay sa motorsiklo nga iyang nabanggaan. Giingong hubog ang aktor sa maong hitabo. Busa mga bashers pagpuyo nalang mo, nag-sorry na ang tawo, nganong kinahanglan paman ninyo nga i-bash? Hala ha, naglabad akong head ninyo.

Yuri: Hello! Very emotional kaayo ko ron pero laban lang! Husto ka Sanden, tawo lang si Migo mao nga makasala pud siya. Buotan siya nga bata apan nasayop unya in the first place giatubang niya ang kaso. Hellooo sa mga bashers, please lang leave him alone! Nag- public apology na si Migo. Ang importante okey na ang duha ka MMDA officers. Padayon na og shoot diha sa Sahaya.

Jaypee: Olah! Happiest day Kabanatay! Salamat Sanden! Anyway highway, lahos sa atong hisgutanan kay naghinam-hinam na gyud ko ani nga mo lengwa! Baga ra pud kaayo ni’g nawong si Migo. Nidako ang ulo. Salig kay dunay teleserye magpabadlong na? Way mga respeto sa otoridad. Bisag unsa pay buhaton niya, nakamugna na siya og damages. If I know gibayaran to niya ang mga tawong iyang giagrabyado kay wala na man mopatim-aw. Lesson learned sa mga rising stars, dili kaayo unta i-feel ang kasikat kay mosamot ka dako ang ulo.

Sanden:  Naka-kaon na sad ka og tuyom  Jaypee?  Nigawas na sad na imong pagka-nega.    Bisan ikaw, makasala pud ka,   ayaw pag-feeling perpeketo. Suma nahubog ka sa una, gi-judge ba ta ka? Awwww.   Hilas kay ka manulti, moana nga ka nidako na ang iyang ulo?  Intawon nimo, kausa ra nasipyat ang tawo,  ingon ana naka-grabe manulti.   Akong balikon, niangkon na ang aktor sa iyang kasaypan ug nangayo na og pasaylo.  Pagkapaet nimong tawhana ka!

Yuri: Noh? Nidako dayon ang ulo kun makabuhat og sayop? Excuse me besh Jaypee, dili siya baga og face. Nasayop lang gyud siya. Nakabuhat siya og dili maayo. Giatubang niya ang nahitabo mao nga pwede ba, shut up na lang.   Well, dakong sayup iyang nabuhat pero nahuman na.  Naunsa na man intawon ka uy, pila nasad ka kilo nga sabon imong gikaon karon, nga nagbuwa-buwa  na man sad imong baba.

Jaypee: Hilom mo diha uy, sabaa ba ninyo Yuri ug Sanden, gisapot ko ninyo.  I’m not saying nga perpekto ko pero dapat naa na sa  iyang utok ang consequences sa iyang mga gibuhat. Naghubog- hubog siya, dapat wala siya nagpalabi knowing pa gyud nga duna siya’y gibidahan nga teleserye nga makaapekto unya sa dagan niini. Tuod man niresulta ang iyang pag-inom. Precaution first diba? Ay dah! Feel sab nako kun wala na midako iyang ulo, dili siya maggara-gara og ingon ana uy.