47th Miss Intercontinental Boholana ang rayna

CEBU, Philippines — Nikulit og kasaysayan ang Boholana ug pambato sa Pilipinas  nga si Karen Gallman   human kini nakaangkon sa korona sa 47th   Miss Intercontinental ug siya maoy labing una nga Pinay nga nakalangkat sa maong titulo.

Ang coronation night nahitabo  niadtong Sabado sa gabii didto sa  SM Mall of Asia Arena. Nagikan sa Ubay ,Bohol  si  Karen .

Nakatigi niya ang laing ang 84  ka mga  kandidata gikan sa lain-laing dapit  sa kalibutan alang sa 47th edition sa  Miss Intercontinental.

Ang representante sa Costa Rica nga si  Adriana Alvarado maoy first runner-up. Napili usab nga second runner-up ang pambato sa Slovak Republic nga si  Laura Longauerova.

Nibilib kang  Karen ang ang mga hurado sa tubag niini atol sa  question-and-answer round sa maong indigay.

Ang final question alang kaniya nagkanayon: "How do you define success?"

Tubag ni  Karen: "Good evening, Philippines. For me, success is not just about winning in life but setting goals, smaller goals, and achieving your dreams and working hard for everything you want, and always looking up to God and being thankful for everything. For me, that is success."

Sukad nahulma ang Miss Intercontinental naidtong 1971, karon pa gyud narayna ang Pilipinas.

Hinoun nakasulod sa Top 6 kaniadto sa maong indigay ang mga nangaging representante sa Pilipnas, kini sama nila ni  Katarina Rodriguez ( 2017) , Christi Lynn McGarry noong (2015), Kris Tiffany Janson (2014), ug  Andrea Koreen Medina (2013).