Mensahe ni Mccoy

CEBU, Philippines — Emosyonal gyud nga gipadangat ni McCoy de Leon ang iyang mensahe ngadto sa iyang kaloveteam ug onscreen partner nga si Elisse Joson. Ingon nga wala pa sa maayo nga pagtinagdanay ang duha tungod sa panghitabo nga wala pa gihapon gibutyag . “Gusto ko lang sabihin na sobrang minahal kita. Ang dami kong nagawa na hindi ko akalaing magagawa ko para sa isang babae. Lagi pa rin kitang inaalala, iniisip, kung okay ka. Huwag sana siyang mapunta sa maling tao, lokohin, saktan. Kasi kung makita man kitang nasaktan, malungkot, hindi ko rin siguro kaya. Miss na miss na kita. Pero, bata pa tayo. Hindi pa naman katapusan ng mundo. Hindi pa katapusan ng buhay natin… Sa ngayon, sila muna maging happy. Alam mo na ibig sabihin ko doon,” suma pa ni McCoy.

Mapasalamaton sa mature role

Tsika pa ni Kim Chiu nga gikalipay niya nga nahatagan og mature role sa “One Great Love” nga lakip sa MMFF 2018. Wala niya damha nga adunay mga tawo nga misalig sa iyang katakus nga makahatag og hustisya sa seryoso nga pelikula. “First time ko mag-mature adult love story. This time, iba talaga. Parang nag-five steps higher ako, lumabas ako sa comfort zone ko kasi gusto ko makita ng mga tao yung ibang ako”, suma pa ni Kim.

Clout mnl

Nakatag-iya na og clothing line ang kanhi Goin’ Bulilit star nga si Basty Alcanses. Si Basty mao ang tag-iya sa independent clothing line mga CLOUT MNL. Sa miaging tuig pa kini nga gilusad ni Basty ug daghan na niini ang nakauyon sa maanindot nga desinyo ug estilo niini nga mga sanina.

Dunay pelikula sa star cinema

Human sa “Fantastica”, mobida na sab pagbalik si Dingdong Dantes sa usa ka pelikula nga ubos sa Star Cinema. Matud pa ni Dingdong nga lingkuran pa nila sa mga nangulo sa Star Cinema kabahin sa maong proyekto apan migawas na ang maong taho nga aduna siya’ proyekto niini human sa pagpanganak sa iyang misis nga si Marian Rivera.

Hagit ang pagsayaw

Dakong hagit kang Piolo Pascual nga gipasayaw sa paggama niya sa commercial sa usa ka sikat nga brand sa pagkaon. “When they made me dance, when I did the coffee commercial (laughs). First frame pa lang pinapasayaw na ako. I wanted to die with the way I was dancing” asoy pa ni Piolo.

Padayon mogiya

Gisaysay ni Direk Lauren Dyogi nga padayon gihapon niya nga giyahan ang mga star dreamers bisan og migawas na kini sa kampo. Matud pa niya nga andam siya nga motabang aron nga makamao kini nga moduwa sa kalibutan sa showbiz. “We’re still going to help them get adjusted. You know how crazy showbiz is. They need also to prepare, to make them what they want to get into”, suma pa ni Direk Lauren.

Apil sa pagdesisyon

Matud pa ni Christian Bautista nga dili gyud niya hikalimtan ang iyang asawa nga si Kat Ramnani sa iyang mga desisyon nga pagahimoon niya sa iyang kinabuhi.  Dugang pa niya nga bisan og sa mga trabaho nga iyang dawaton, lakip nga modesisyon ang iyang asawa alang kaniya. “It’s not just my decision, it’s not her decision; so, whatever roles or whatever projects, whether in showbiz or not, it’s my life and hers, talagang kami na yung nagde-decide. So, whatever comes in our life, talagang pinag-uusapan namin”, suma pa ni Christian.

Wala pa masayod

Wala pa masayod si Alden Richards kun aduna ba’y nakahan-ay nga proyekto alang kanilang duha ni Maine Mendoza. Ang ulahi nga pelikula nga sila nagkauban mao kadtong “Imagine You And Me” niadtong tuig 2016. Nagmalaumon si Alden nga unta magkauban sila pagbalik ni Maine sa mga proyekto sa Kapuso network.

Bayaran ang mga utang

Target ni Dimples Romana karong tuiga ang mabayaran ang tanan niya nga utang. Matud pa niya nga dili una siya mopalit og property aron nga mabayaran niya tanan ang iyang padayon nga gibayaran karon.

Mutual ang feelings

Mutual ang feelings sa PBB Otso Star Dreamers nga sila si Gian Wang ug Missy Quino. Gipasalig sa duha nga bisan pa man pareho sila og gibati sa usa’g usa, dili nila kinahanglan nga dalion nga magkarelasyon tungod kay bata pa sila og aduna pa sila’y angay nga makat-unan sa ilang tagsa-tagsa ka mga kinabuhi.