Bulawanong Pulong Ayaw kabalaka

CEBU, Philippines — Ang tawo dili angayan mabalaka sa mga madawat nga mga opinyon sa ubang tawo ilabi na sa panahon nga ikaw magbuhat og sakto, sanglit ang Ginoo nagtan-aw kaninyo ug naghatag og dakong pagtuo sa inyong  maayong binuhatan.

Tipik lang kini sa mensahe nga gipadangat sa sikat kaayo nga book author ug preacher nga si Bo Sanchez atol sa Kerygma Conference nga gipahigayon diha sa Waterfront Hotel-Cebu City  sa miaging semana.

Matud pa ni Bo nga kinahanglan lang gyud nga mag-ampo kanunay ug magbaton og dakong pagsalig sa Ginoo.

Matud pa niya nga sa pagkab-ot og kalamposan, dili gyud malikayan nga mag-agi usahay og mga pagsulay.

Ang maong engrande nga kalihukan nga may tema nga “Limitless” gitambongan sa kapin sa 4,000 ka mga tawo.