Mga guwapo nga matinabangon

CEBU, Philippines – Laing  sangka sa mga ambongan nga mga lalaki ang mosikad  sa atong dapit nga pagamugnaon sa Lariosa Tulong Foundation.

Kini mao ang Ginoong Cebu nga usa sa mga dakong kompetisyon nga alang sab sa mga kalalakinhan nga dunay nagpahipi nga  adbokasiya nga alang sa ikaugmad sa atong katilingban.

Suma pa sa tigdumala sa Lariosa Tulong Foundation nga si Gerald Lariosa nga namugna kining maong kalihukan aron makaabag sa mga maayong programa sa  maong foundation

“We are really aiming to help those children from the foundation. This is not just a pageant to showcase the faces, the body and the fame, however, we are trying to showcase what our fellow Cebuano men got and also to raise funds and funds for the scholars and also for the community”, suma pa ni Lariosa.

Ang  beneficiaries sa maong foundation mao ang Cebu City Medical Center patients, street children ug  ang 200 ka mga pinili nga mga tinun-an.

Pinaagi sa maong pasundayag, andam ang mga kandidato nga mobarog sab sa katungdanan kun mapilian sila nga mahimong mananaog sa maong kompetisyon.

Niabot ngadto sa 31 ka candidates ang niatubang atol sa press presentation nga gipahigayon sa J Centre Mall. Gipresentar nila ang nagkadaiyang dapit sa Sugbo.

Gilangkuban kini nila ni Andro Rey Piencenaves sa Alcoy; Paul Leonard Amparo Belame sa Argao; Delio Roco Duha sa Asturias; Ram Termulo sa Badian; Ronald Earl John Vasquez sa Balamban; Kent Jeyluck Borbonsa Barili; Ross Kyle Divinagracia sa Bogo; Jefferson Regner Egot sa Carcar City; Alexis Marc Malagar sa Carmen; Jared Salas a Catmon; Mark Guerra sa  Cebu City; Edbert Kenn B. Duhaylungsod sa Compostela; Marc Francis Canin sa Cordova; Vengue James Gomez Trozo sa Dalaguete; Don Aaron Inocian sa Lapu-Lapu City; Dexter Almendras Tundag sa Liloan; Mikhail Ryan Godornes sa Lutopan, Toledo City; Junichi Yabushita sa Mactan, Lapu-Lapu City; Renee Manatad sa Mandaue City; Kim Joshua Canned sa Minglanilla; Genrov Paquera Rabusa sa Moalboal; Jacob Zaragosa sa Naga City; Jack Leonard Alonan sa Oslob; Christian Palawkl sa Pinamungajan; Dominic Mina sa  San Fernando; Kim Charlemagne Oracion sa  San Remegio; Kevin Ceth Bustamante sa Sibonga; Jezer Gerarman Vidal sa Tabuelan; Dante Cajegas sa Talisay City; Cesar Austria sa Toledo City; ug  Alfred Natividad sa Tuburan.

Matud pa ni Lariosa nga miagi sa sakto nga proseso sa screening ang mga nahimo nila nga Ginoo ug ang uban gipadala kini sa nagkadaiyang local government unit.

Dugang pa niya nga miabot sa 70 ka mga lalaki ang mipaubos sa ilang screening niadtong Setyembre sa Cebu Provincial Capitol ug gihashasan pa nila kini hangtud sa nahimo kini nga 31 ka mga opisyal nga candidates.

Ang mahimong Ginoong Cebu makadawat og ganti nga P30,000 nga cash ug mao sab ang mahimong representate gikan sa Cebu kun ipadala og national pageant.

Ang mga mapilian nga runner-up makadawat og ganti nga P25,000, P20,000, P15,000 ug P10,000.

Karong Nobyemre 16 mao ang talent competition ug mahitabo usab krong Disyembre 9 ang closed-door interview.

Ang coronation night sa Ginoong Cebu mahitabo karong Disyembre 15 sa Cebu Coliseum.