Janno mibalik sa Viva

CEBU, Philippines – Si Janno Gibbs maoy bag-ong napuno sa  listahan sa mga bitoon sa Viva Artists Agency.

Dili na bag-o kang Janno ang maong talent agency sanglit ang Viva maoy nagpaluyo sa iyang mga pelikula kaniadto.

Nakabaton usab siya og mga album kaniadto sa Viva Records.

Gitataw hinoun ni Janno nga malinawon ang pagbiya niya sa PPL Entertainment Inc ni Perry Lansigan nga nakahupot usab sa iyang career sulod sa taas nga panahon.