Ejay, muharana sa Miss Mandaue 2018

CEBU, Philippines – Ang ambongan ug usa sa mga leading men ni Erich Gonzales sa ABS-CBN series nga “Blood Sisters” nga si Ejay Falcon maoy celebrity guest sa Miss Mandaue 2018 Coronation Night diha sa Mandaue City Sports Complex

Si Aida Patana, tag-iya ug tagdumala sa M-Talent Events, kinsa maoy nakig-deal sa kagamhanan sa dakbayan sa Mandaue alang sa paglugwa ni Ejay ugma puhon sa alas otso sa gabii (8pm) alang sa maong indigay sa kaanyag, namahayag nga nindot matud pa og batasan ang nahisgutang actor kay gawas nga gwapo, dili pa gyud arte.

Samtang sama sa naandan na, 12 ka mga maanyag ug utokan nga mga dalaga ang magtigi alang sa titulo ugma, aron makoronahan isip ika-49 nga labing maanyag nga babaye sa Mandaue.

Ang nahisgutang indigay sa kaanyag maoy giisip nga usa sa labing dugay na nga local beauty pageant sa tibuok Pilipinas. Hukman ang mga kandidata ugma sa gabii pinaagi sa siyam ka kategorya nga mao ang musunod: Media’s Choice, Talent Competition, Fitness Competition, Pre-Judging, Best in Swimsuit, Best in Runway, Best in Evening Wear, Q&A, ug Committee’s Choice.

Ang Rayna makadawat og P100, 000, P50, 000 alang sa first runner-up, ug P30, 000 alang sa second runner-up. Si Miss Mandaue 2017 Ralphiela Lewis maoy mu-turn-over sa iyang korona ngadto sa bag-ong rayna.

Continue to do good

Gipaambit ni Alden Richards ang sekreto niya sa pag-atubang sa bisan unsang problem nga masugatan sa iyang showbiz career. “Ang primary goal ko talaga, no matter how negative or unfair this business can be, I’m just gonna continue to do good para nakikita ko yung purpose ng trabaho ko,” paambit pa niini.

First date

Malipayon nga gi-post ni Jackie Forster sa social media ang hulagway nila sa kamagwangang anak nga si Andre Paras atol sa labing unang date nila human sa 12 ka tuig nga wala nagkita. “Mama was so kilig to have such a handsome date [love emoji] guwapo and bait talaga ni Kuya @andreparas,”tipik sa post ni Jackie.

Nakasabot ni Sarah G.

Nakasabot matod pa si Jake Zyrus sa gidangatan karon sa Popstar Royalty Sarah  Geronimo kinsa nakasinati og breakdown atol sa concert niini didto sa Las Vegas, Nevada, USA. “Yun ang kailangang intindihin kaysa naman talagang mapagod isang singer... napakahirap, napakahirap talaga,”asoy pa sa singer.

Gilugwaan sa celebrities

Nidagsa ang pipila ka local celebrities atol sa unang gabii sa concert ni  Bruno Mars didto sa  Mall of Asia Arena niadtong Huwebes. Pipila sa nakit-ang personalidad mao silang Vicki Belo, Ina Raymundo, LJ Moreno, Jackie Forster ug uban pa. Ang maong concert tipik sa 24K Magic World Tour sa international singer.

Dili pa oras

Gipaambit ni Solenn Heussaff nga dili pa matod pa right timing para mabuntis siya karong panahona. “Financially, I’m also confident. Confident na din ako sa sarili ko na I can raise a human being. Kaso lang, hindi pa timing ngayon,”sigon pa niini.

Suportado si Kim

Nagkatapok ang former PBB housemates sa nagkalain-laing seasons atol sa screening sa pelikulang Da One That Ghost Away (DOTGA) nga gibidahan nilang Ryan Bang ug Kim Chiu. Present sila si Daniel Matsunaga, Mickey Perz, Gee-Ann Abrahan, Elisse Joson, McCoy de Leon, ug uban pa. Nagpasalamat si Kim sa suporta nga gipakita sa ex-PBB housemates ngadto sa iyang pelikula.

Friends ra

Giklaro ni Marco Gallo nga managhigala ra gyud sila sa teen model-endorser nga si Juliana Gomez sukwahi sa tsismis nga nagkahigugmaay na ang duha. Una matod pa silang nagkaila sa usa ka photo shoot sa sikat nga clothing brand ug hangtod nagkalawom ang ilang panaghigalaay.

Birthday party

Gilugwaan sa nagkalain-laing celebrities ang 23rd birthday party sa Kapamilya Teen King Daniel Padilla didto sa usa ka club sa Manila. Gawas sa iyang mga ginikanan nga silang Karla Estrada ug Rommel Padilla, nilugwa sab ang mga La Luna Sangre co-stars niini  ug ubang showbiz personalities. Wala sab pakyasa ni Kathryn Bernardo pagtunga sa special day sa iyang ka-loveteam.

Miangkon sa sala

Miangkon ang young actor Jameson  Blake nga siya kadtong gipasabot sa post ni direk Jun Lana nga artista nga mag-apura pag-uli gikan sa set aron makalugwa sa laing raket. Nahitabo matod pa kini atol sa kinaulahiang shooting nila para sa pelikulang Ang Babaeng Allergic sa WiFi ubos sa direksyon ni Lana. Naestoryahan na nila matod pa ang maong isyu.

Update sa anak

Gipaambit ni Saab Magalona paspas kaayo ang pagdako sa ilang baby ni Jim Bacarro nga si baby Pancho. Matod pa sa doctor niini, niabot na og 500 grams ang timbang niini gikan sa duha ka semana nga gipakatawo. “My parents are happy about this but I dunno. I don’t want to get too big to fit inside mom’s arms!”post pa sa aktres.