“Inday”, Made in Cebu

CEBU, Philippines — Ang kamahinungdanon sa panaghigalaay, respitohay ug ang pagpili nga magmalipayon bisan pa man sa mga pagsuway maoy pipila lang sa mensahe nga ipatigbabaw sa umaabot nga serye sa GMA-7 nga “Inday Will Always Love You”.

Nasayran nga 80% sa mga eksena niini ang gihimo sa nagkadaiyang dapit sa Sugbo.

Ang maong serye gibidahan nila ni Barbie Forteza , Ricky Davao, Gladys Reyes, Tina Paner, Juancho Trivino, Super Tekla ug Kim Rodriguez.

Nalakip usab niini ang kaluha nga sila si Charisse ug Charlotte Hermoso kinsa nailhan kaniadto gumikan sa usa ka TV commercial sa sabong panglaba isip anak ni Lumen.

Dili pa lang dugay, gisugdan na ang shooting niini ug usa sa lokasyon niini mao ang hugyaw nga Isla sa Bantayan partikular na diha sa Santa Fe.

Sa pakighinabi  sa direktor sa maong show nga si Monti Parungao ngadto sa mga sakop sa Cebu Entertainment Group, nagkanayon siya nga nindot kaayo ang dagan sa istorya niini gumikan kay nagtuki kini sa istorya sa usa ka babaye nga kugihan kaayo ug kahibalo gihapon mopahiyom bisan pa man sa mga pagsulay nga giatubang niini.

“Maganda siyang story, dapat siya abangan , simple pero meron ka talagang matutunan. Makikita din natin dito kung gaano kaganda yung Cebu, sobrang ganda,” matud pa sa direktor.

Modala si Barbie isip si Happylou , usa ka mapahiyomong babaye  ug dili gyud mo-surrender sa mga pagsulay nga iyang nasugatan ug nagtrabaho siya isip lechonera. Midala isip iyang inahan ang Cebuana actress nga si Manilyn Reynes.

“Abangan ninyo si Happylou, kahit maraming problema , pero mas pinili na maging happy , dahil maraming nagmamahal sa akin. Isa akong lechonera dito na napadpad sa Cebu dahil hinahanap ko ang ama ko. Ang ganda ng Cebu, pinuntahan namin ang Bantayan, Temple of Leah, Sirao Garden, at marami pa ,” saysay pa ni Barbie.

Kontrabida usab ang role ni Kim uban usab sa kaluha nga sila si Charisse ug Charlotte.

Dungan niini, gipadayag ni Kim nga na-pressure siya gumikan kay co-star niya si Gladys nga beterana na isip kontrabida.

Hinuon, dili na bag-o alang kang Kim ang mga kontrabida role .

Wala usab magmahay si Juancho sa pagtikang niya sa Cebu sanglit duna siya’y daghang friends dinhi.

Samtang ang kaluha nga sila si Charisse ug Charlotte mapasalamaton sa GMA gumikan sa pagbanhaw sa ilang career.

Samtang , nahugyaw gyud si Gladys sa kanindot sa Cebu gumikan kay sa pier area pa lang daan, puwerti nang tin-awa sa dagat.

“Hindi ko sinasayang ang oras, nagpa-picture ako ng todo sa resort, agad ko siyang pino-post sa Instagram,” dugang pa ni Gladys

Ang beteranong aktor nga si Ricky nibutyag nga dili gyud basta-basta ang “Inday Will Always Love You” nga todo gyud siya laag sa Cebu .

Nidala si Ricky isip usa ka negosyante sa Sugbo nga nasuod ni  Barbie.

Puwerting lipaya ni  Ricky gumikan kay nakabalik na siya sa pag-arte sanglit kanunay lang siya nga naa sa likod sa kamera sa mga nangagi niya nga proyekto .

“Nagdidirek ako lately ng mga serye, kaya nakaka-miss din yung pag-arte,” matud pa ni Ricky.

Nidala isip mayordoma sa mansion ni Ricky mao ang singer-actress nga si Tina.

Matud pa ni Tina nga second home na niya ang Cebu gumikan kay taga Naga, City ang iyang amahan.

Atol sa presscon, napuno kini sa buhakhak gumikan sa mga komedya ni  Super Tekla.

Matud pa ni Super Tekla nga duna siya’y dugong bisaya, busa iyaha gyud nga buhaton ang tanan niyang best alang sa maong show.

Kahinumdoman nga nailhan og sugod si Tekla sa publiko human siya nalakip kaniadto sa Wowowin.

“ Ako role dinhi,  ako ra gyu’y tigpakatawa ilabi na kung seryoso na kaayo ang scene ,’ matud pa ni Tekla.

Gi-produce sa GMA News and Public Affairs ang “Inday Will Always Love You”.  Ang Program Manager nga si Joni Mosatalla nibutyag nga dili na bag-o ang pagama og mga serye sa iyang department  gumikan kay gusto niini mapakita ang nagkadaiyang kultura,  ka-maanindot sa lugar ug uban pa nga mga importanteng butang nga makuha  sa viewers.

Sa pagama nila sa “Inday Will Always Love You, nagpadala gyud sila daan og researchers  aron  tulin na ang dagan sa taping ug makabaton sila og mga ideya kon unsa nga eksena nga mohaom sa mga hugyaw nga lugar sa Cebu.

Nasayran nga nagmalampuson ang serye nila kaniadto nga I Heart Davao busa nagmalaumon si Mosatalla nga mao usab kini ang mahitabo sa Inday Will Always Love You.

Dugang pa niya nga nag-hire gyud sila og “bisaya experts” aron dili mag-uga ang presenta sa mga eksena.

“Yung ginagawa  namin ang ‘I Heart Davao’, which is similar with this show, masasabi  namin  na  very effective  siya kasi  nagustohan ito ng  Davaoeños. Although, yes fictional yung teleserye, we wanted na tama yung pagkaka-represent ng Cebu,” matud pa ni Mosatalla .

Matud pa niya nga ang pagamit sa pulong nga “inday” dili angayan i-stereotype isip katabang.

“Sa iba kasi, parang akala nila ‘Inday’ is ginagamit sa mga kasambahay or katulong and we really want to change that stereotype. Sa show na ito, we have Cebuano culture in the background. Most shows are Manila-centric, and as a Bicolana myself, parang we want to do something else and showcase Cebu which is a very well known city. Through the show, we want people to come visit and see Cebu,” matud pa ni Mosatalla.

Mga Sugbuanon usab ang ubang bituon sa maong serye busa mosidlak usab og apil ang Cebuano talents.

Gawas sa Bantayan, ang pipila ka mga eksena  gi-shoot sa  Basilica Minore de Sto. Niño, Magellan’s Cross, Temple of Leah, 10,000 Roses, Sirao garden, ug Mactan Bridge.

Gibutyag usab ni Mosatalla nga duna pa’y ubang lugar sa Cebu ang ilang bisitahon.