Tom, Lovi, at Erich pakapalan ng make-up sa poster

Playboy mag pinasok na ng transgender!

SEEN: Nakahiga sa kama ang topless na si Tom Rodriguez, kasama sina Lovi Poe at Erich Gonzales sa poster ng The Significant Other pero sobrang kapal ng mga make-up nila.

SCENE: Opisyal na ipakikilala sa Lunes ang mga bagong celebrity endorser ng Bench Body na rarampa sa 30th Anniversary Underwear and Denim Show ng Bench sa November 18.

SEEN: Ang transgender model na si Ines Rau ang unang transgender Playmate ng Playboy na lalabas sa November edition ng sikat na magazine for men.

SCENE: Walang pagbabago at improvement sa acting ni Alice Dixson sa mga eksena niya sa full trailer ng The Ghost Bride, ang horror movie ng Star Cinema na ipalalabas sa mga sinehan sa November 1.

SEEN: Ngayong tanghali ang sagupaan ng 8th anniversary celebration ng It’s Showtime at ng Love Is… ang film made for television ng Eat Bulaga na tinatampukan nina Alden Richards at Maine Mendoza.

SCENE: Nag-umpisa na ang training ni James Reid para sa re-imagined movie version ng Pedro Penduko. Hindi pa nagsisimula ang shooting ng Pedro Penduko na may tentative playdate sa summer ng 2018.

SEEN: Nag-compose ng inspirational song si Senator Tito Sotto para sa Broadway Boys. Ang Eagles, American rock band ang makakasama ng Broadway Boys sa Saturday concert nito sa Eat Bulaga. May concert ang Eagles sa October 24 sa Newport Performing Arts Theater ng Resorts World Manila.

SCENE: Sina Ogie Alcasid, Mark Bautista, Jed Madela, Jona, Julie Anne San Jose, Erik Santos, Angeline Quinto, Lara Maigue, at Sarah Geronimo ang ilan sa mga special guest sa R3.0, ang 30th anniversary concert ni Regine Velasquez na itatanghal ngayong gabi at bukas sa Mall of Asia Arena.