Louise nalisang

Louise nalisang

CEBU, Philippines – Giangkon ni Louise delos Reyes nga nakulbaan siya sa dihang gibuhat ang kissing scene nila ni Dennis Trillo sa seryeng My Faithful Husband. Mao kini ang labing una nga higayon nga makauban si Dennis sa maong klase nga eksena.

Kung si Roxanne ang pasultion

Gibutag ni Roxanne Guninoo nga dili siya gusto nga mosulod sa showbiz sa higayon nga modako na ang duha niya ka mga anak. Suma pa sa aktres nga dili lalim nga makasugat og mga intriga ug dili siya ganahan nga makasuway niini ang iyang mga anak. Apan kung ganahan kini nga mag-artista puhon, dili siya mopugong niini. “Mas gusto ko ‘yung private ‘yung buhay nila," suma pa ni Roxanne.

Tambag ni Mama

Kanunay gyud maghatag og tips si Sylvia Sanchez sa iyang anak nga si Ria Atayde . Usa sa iyang gitambag nga magpabiling kalmado kung maka-eksena niini ang mga banggiitang artista aron tulin ang dagan sa taping.

Pun-an pa

Gusto ni Jolina Magdangal nga madugangan sunod tuig ang anak nila ni Mark Escueta. Na-enjoy sila og maayo sa ilang anak nga si Pele ug samotan na kung mapun-an kini og usa. "Sana girl ang next," hirit pa sa aktres.

Yul tabangan ni Piolo

Gibutyag ni Yul Servo nga matinabangon kaayo ang iyang higala nga si Piolo Pascual ug usa kini sa mohatag og donasyon alang sa kampanya sa pagdagan niya pagka-kongresista sa ikatulong distrito sa Manila. Bilib gyud si Yul kang Piolo gumikan kay dili gyud kini makalimot sa iyang mga higala.

Giandam na?

Gidungog nga nahan-ay na ang usa ka proyekto ni Elmo Magalona sa ABS-CBN. Nasayran nga mibiya na si Elmo sa GMA-7 gumikan kay gilangaw na ang career niini sa maong network. Ang igsoun niya nga si Maxene Magalona maoy usa sa nitabang sa pagbalhin ni Elmo sa ABS-CBN.

Pasok sa MMFF

Ang pelikula ni John Lloyd Cruz nga Honor Thy Father gikatahong makasulod sa  Metro Manila Film Festival 2015 human miatras ang “Hermano Puli” ni Aljur Abrenica.  Naghuwat na lang ang production team sa maong pelikula sa opisyal nga anunsyo sa mga kadagkoan sa MMFF.

Pribado lang

Negosyante ang bag-ong girfriend ni JC de Vera apan dili siya mobutyag sa pangalan niini aron malayo kini sa mga intriga. Gusto sa aktor nga ihilom lang ang ilang relasyon.

Nagka-suod

Tsika pa ni Alden Richards nga soud na sila karon ni Maine Mendoza luyo sa kamera. Ang ilang fans padayon nga naghandom nga magkadayon ang duha sa tinoud nga kinabuhi.

Kaagi ni Ella

Gibutyag ni Ella Cruz nga duna gyud siya’y makahadlok nga  kaagi nga dili niya makalimtan. Aduna’y higayon nga maglisod siya og tulog sa iyang condominium unit gumikan kay duna ‘y manawag sa iyang pangalan apan wala siya kakita og laing tawo.

Sen. Tito mitubag sa isyu

Mipadayag na sa iyang habig si Sen. Tito Sotto kalabot sa  report nga duna’y  wala mahimout sa  iyang gisul-ob sa Halloween episode sa Eat Bulaga niadtong October 31.

Kahinumduman nga miawhag sa mga kadagkoan sa Eat Bulaga si Autonomous Region in Muslim Mindanao (ARMM) Governor Mujiv Hataman  nga moisyu og public apology human  wala siya makauyon sa gisul-ob  nila ni Tito ug Joey de Leon nga susama sa sapot sa lalaking Muslim.

Giklaro ni Tito nga nga  hinatag kini sa higala niya nga Sheik  .

"Una sa lahat, hindi totoong ang Muslim community ang nagre-react sa suot namin ni Joey.

Pangalawa, hindi muslim outfit yun, ARAB costume yun at ilang taon ko nang sinusuot yun dahil natutuwa ang mga kaibigan kong mga Sheikh pag sinusuot ko yun na regalo nila sa akin

Ikatlo, ang ibig nilang sabihin yun mga nagko-costume ng mga pari o madre o naka-Barong Tagalog ay hindi puwede sa costume party?Yun ganuon may relihiyon. Meron din mg Christian Arabs eh wala namang problema. Ano problema nila?,” mensahe pa ni Tito nga gipadala niya ngadto sa PEP.

Ang costume ni  Tito gitawag og thobe ug iyaha kining gisuot isip pahinungod sa Muslim leader nga maoy naghatag  niini ngadto kanitya.

“Sheikh SHAWAF of Riyadh, Saudi Arabia gave me that costume. He likes it everytime I get a chance to wear it. I wear it to honor him. ,” suma pa sa iyang Instagram post.

Wala pa mohatag og statement ang kadagkoan sa Eat Bulaga kalabot sa maong isyu.