Marian dili madayon

CEBU, Philippines – Gibutyag ni  Direk Maryo J. delos Reyes nga dili madayon ang plano nga himoong guest si Marian Rivera sa seryeng Pari Ko'y nga gibidahan sa bana niini nga si Dingdong Dantes. Suma pa sa direktor nga dili na maapas sa oras busa si Nora Aunor ra ang nasulod nga maoy katapusang guest sa maong serye.

Higala ra

Hugtanong gihimakak ni Paolo Contis ang nikatap nga report nga matud pa uyab sila ni LJ Reyes. Suma pa ni Paolo nga kung magkadayon man gani sila ni LJ, iyaha kining ibutyag sa publiko. Suma pa sa aktor nga suod lang gyud niya nga higala si LJ.

Kaslon karong Disyembre?

Gidungog nga karong Disyembre magpakasal sila si Vic Sotto ug Pauleen Luna.  Suma pa nga nagsugod na ang duha og sabot sa maong butang. Tak-om lang si Pauleen sa maong taho .

Nagbaha ang mga show

Naglinya ang mga show ni  Glaiza de Castro sa laing nasud. Gikatakda siya nga mag-show sa  Singapore, Dubai ug Canada sa umaabot nga  mga adlaw.

Dingdong nagpanikad sa StarStruck

Naghinam-hinam na si Dingdong Dantes sa  bag-ong season sa  StarStruck kung diin makauban niya isip host ang beauty queen nga si Megan Young.

Luis gidayeg sa direktor

Gihangop ni Direk Arlyn dela Cruz ang performance ni Luis Alandy sa indie film nga Mandirigma. Okay lang sa aktor nga second choice ra siya sa maong proyekto. Giingong si Derek Ramsay unta ang bida sa maong indie film apan busy ang aktor sa laing proyekto.

International music video

Nalakip si  Xian Lim sa  international  music video sa  American singer  nga si Zana. Ang aktor nilugwa sa awit ni Zana nga "Deeper" ug dako ang kalipay ni Xian gumikan kay dako kaayo nga exposure  ang nahatag sa maong music video.

Dili magselos

Gitataw ni  Kathryn Bernardo nga dili siya magselos kung kaeksena ni  Daniel Padilla si Sarah Carlos kinsa nidala isip  Bea Bianca sa Pangako Sa 'Yo. Suma pa ni Kathryn nga tighatag siya og tips sa pag-arte ngadto kang Sarah.

Maja target ni RJ

Gipangandoy sa bag-ong Viva artist nga si  RJ dela Fuente nga makauban sa proyekto ang  crush niya nga si  Maja Salvador . Produkto si RJ sa The Voice ubos sa team ni Leah Salonga.

Pristine Academy

Sila si Martin Escudero ug  Yna Asistio maoy mga bida sa  'Wattpad Presents: Pristine Academy. Kasamtangang giuslan sa  TV5 ang Kapamilya star nga si Yna.

Ryan Rems sikat na gyud

Dili na gyud mabangbang ang kasikat sa labing una nga grand champion sa ''The Funny One" segment sa It's Showtime nga si  Ryan Rems.  Kanunay nga na-viral ang iyang pasiaw nga mga  video.