Praise God

Hugyaw nga BisChika mga Sweet Kabutanding! Dominggo na usab ug siyempre ania na pud ang inyong kinaham ninyong mother Butanding para mohatod og mga BisChika nga para lang gyud  kaninyo.Pero naa  lang ko’y ipaambit  kay niaging semana  nga  para  nako  nasakitan  ko  ug  giunsa  nako pagdawat, (emo mode,  slight), naa koy gi-expect nga raket, andam na ang tanan meaning ready na ang travelling bag, unsay sul-ubon sa first day, sa second day,  pero usa ka adlaw sa dili pa ko molarga,  nakadawat  ko  og  tawag nga  gitangtang  na ko sa line up kay nag-cost cutting ang production? Arayyyy! Kasakit sa feeling! Isip  Scorpion ang akong zodiac  sign nga musulti gyud kung unsa ang naa sa akong kasingkasing, nagstatus ko sa akong facebook, ni text ko  sa usa sa mga heads sa production kung  unsa  ang  akong  gibati. Pagkahuman namalandong ko nga siguro dunay rason nganong wala na ko sa line  up. Tuod man, God is so good… Niari ang Eat  Bulaga  para sa Pinoy Henyo High  audition niaging  semana ug gikuha ko nila isip on ground  host  ug  nakauban  pa nako ang Dabarkads nga  si Ms. Ruby  Rodriguez ug ang Dance Diva  sa  EB nga si Dasuri Choi onstage, usa   sa  mga  sorpresa  nga  gihatag  ni  God  nako.  Pito kaeskwe-lahan ang nagtigi sa Pinoy Henyo sa Sayawan ug ang morepresentar sa kauluhan mao ang University of San Carlos High School North Campus  ug  sa  Pinoy  Henyo  sa  Pautakan  kaparehas sa Sayawan pito gihapon ka eskwelahan ang nagsangka ug ang labing mubo  og oras nga nakatag-an mao ang University of San Carlos South Campus. Double Celebration gyud kini para kanila! Dili man ana diay kasayon ang mamahimong  contestants sa Pinoy Henyo sa Pautakan kung naa na ka sa stage kay usa sa  akong na  obserbahan  nakuha  na  niya  ang category unya na-mention na niya ang tanan nga naa sa category apan ang gitag-an mao gyud ang makalimtan. hahahahahhaaha! Unya naa  koy raket nga akong pagkahibalo nga karung pang  May apan nasayop ang organizer nga nikuha nako March diay kini. O di ba bongga?  Mao nga nalipay ko nga bisan nawala kining usa ka proyekto  para  nako  apan  dunay gihatag nga lain para nako. Praise the Lord!