Olive-C: Taytayan sa mga pangandoy

CEBU, Philippines – “Dream big, achieve bigger!” suma pa sa usa ka panultihon. Ang damgo maoy gabayan sa usa ka tawo alang sa iyang tim-os nga kalamposan. Matud pa, nga sa tukmang higayon ug dapit, makab-ot gayud ang damgo ug pangandoy.  Pinaagi sa panabang sa Olive-C, mas mahimong sayon ang pagkab-ot sa damgo sa mga batan-on.

Gawas sa itanyag niini nga hamis ug pimple-free nga kutis, ang Olive-C, pinaagi sa iyang social responsibility project, naghatag og kahigayonan sa mga Pilipinong teenager nga matuman ang ilang pangandoy nga mamahimong idolo sa ilang isigka-batan-on. Gikan sa pagkahimugso niini niadtong 2009 dinhi sa Syudad sa Sugbo, ubay-ubay na nga mga estudyante kansang mga kinabuhi nakabaton og dagkong kausaban.  Pinaagi sa indigay nga Mr. and Ms. Olive-C Campus Model daghang mga talento ang nadiskubre diha sa natad sa showbiz.

Si Hiro Peralta, ang labing unang Mr. Olive-C, makita karon sa upcoming GMA-7  teleseryeng “Pari ‘Koy” diin makauban niya si GMA Primetime King Dingdong Dantes. Maisip ni Hiro nga usa ka “challenging character” ang iyang pagadalhon sa maong serye nga gidumala ni Direk Maryo J. delos Reyes.

Si Mr. Olive-C 2012 John Lucas, sa laing bahin, anaa gihapon sa ABS-CBN Star Magic ug co-managed sa Creworks Asia, ang talent management nga sangay sa Psalmstre Enterprises nga tiggama sa Olive-C. Giandam karon ang bag-ong proyekto alang kang John. Ulahi siyang nakita sa “Got To Believe” diin suporta siya sa tandem nilang Daniel Padilla ug Kathryn Bernardo.

Ang reigning Mr. and Ms. Olive-C Philippines nga sila si Ryan Paul Artienda ug Ashley Ortega padayon usab sa pagkulit sa ilang ngalan sa natad sa showbiz. Giila nga strong contender karon sa reality search nga Starstruck sa GMA-7 si Ryan. Usa siya ka in-demand ramp and commercial model sa kaulohan sa wala pa kini moapil sa Starstruck. Samtang si Ashley, official GMA-7 artist na. Kasamtangan siyang gi-build up to a lead-role karong tuiga tungod sa nakita sa artist center nga dakong potensyal diha sa dalaga. Kauban siya karon sa seryeng “Kailan Naging Tama ang Mali” nga gibituonan nilang Geoff Eigenmann ug Max Collins.

“Tingoha sa mga tinugyanan sa Olive-C nga matoman sa mga teenager ang ilang pangandoy nga makaangkon og luna sa showbiz kay nakatabang kini nga mausab ang dagan sa ilang kinabuhi. Nakatabang sila sa ilang pamilya ug naangkon na nila ang kaharohay sa kinabuhi,” padayag ni Mr. Jim Acosta, ang tag-iya sa Psalmstre. Niadtong Sabado, Pebrero 28, nasaksihan diha sa University of the Visayas Main gym ang grand coronation sa Mr. and Ms. Olive-C Campus Model Cebu 2015. Lain na usab nga mga damgo unya ang hatagan og katumanan pinaagi sa Olive-C. Ang nidaog maoy pambato sa Sugbo alang sa nasudnong grand final karong Mayo didto sa kaulohan.

Version ni Anne

Gipistahan og maayo  ang rendisyon ni  Anne Curtis sa awit ni Sia nga Chandelier. Na-feature usab kini sa international website sa   Nine News. Ang maong artikulo nag-ulohan og  “TV host’s spectacularly weird rendition of Sia hit ‘Chandelier.”

Kristine napul-an sa drama

Ganahan na si Kristine Hermosa nga makabalik na sa pag-arte apan target niya nga masuwayan napud ang lahi nga mga proyekto nga wala niya masuwayi kaniadto. Suma pa ni Kristine nga puros na lang drama ang iyang mga proyekto kaniadto ug napul-an na siya niini.

Katabang ni Marion

Gikatahong usa ka Pinay ang katabang sa sikat nga Award Winning International  Actress nga si Marion Cotillard . Usa kini sa rason nga ganahan kaayo si Marion sa mga Pinoy.

Oe year na!

Usa ka tuig na ang relasyon nila ni  Ruffa Gutierrez ug sa iyang uyab nga si  Jordan Mouyal nga nagbase sa Paris. Mapasalamaton si Ruffa kang Jordan gumikan kay maayo kini modala sa ilang relasyon.

Aplikasyon ni Xian gibasura

Gikatahong wala dawata sa Philippines Basketball Association ang aplikasyon ni  Xian Lim nga mahimong player sa usa ka team. Suma pa nga daghan pa og angayan nga agian si Xian kung ganahan siya makaduwa sa PBA. Giingong maglisod ang aktor niini gumikan sa ka-busy sa iyang career.