Ogie nag-commit na sa pamilya ng Fallen 44
Sa February 20 na gaganapin sa Philippine Arena ang MuSIKATin concert na pangungunahan ni Ogie Alcasid. Ayon sa singer-songwriter ay ido-donate niya ang kanyang talent fee sa mga pamilyang naiwan ng 44 miyembro ng Philippine National Police-Special Action Force na namatay sa Mamasapano, Maguindanao noong isang buwan. “I just want to personally announce and commit this, that anything that I’m making out of this concert, I will donate to them,” bungad ni Ogie.
“I have a friend in the police, PNP, I contacted them already. Sabi ko, I will personally give it to them. I know it’s not much but minus taxes I will give to them. Napakaliit na bagay ‘yon but I think I would feel better performing that night. Knowing that I’m performing in honor of these guys,” pagbabahagi ng singer.
Bukod sa tulong pinansyal na ipagkakaloob ni Ogie sa mga naulilang pamilya ay kaabang-abang daw ang isang special number na magsisilbing tribute sa Fallen 44. “No’ng ako po ay nagmumuni, sabi ko, paano magko-concert eh ang daming gulong nangyayari sa bayan natin. Especially ‘yung nangyari sa ating brave 44, parang it’s very difficult for me. The concert is about celebration of OPM, parang ang hirap mag-concert nang ganoon. But there’s a part where we will actually sing something very, very significant sa ending ng concert that we want to dedicate to them,” kuwento pa ni Ogie.
Troy at Aubrey gusto nang sundan ang anak
Labindalawang taon nang magkarelasyon sina Troy Montero at Aubrey Miles. Nananatiling matatag daw ang samahan ng dalawa dahil magkasundung-magkasundo sila sa maraming bagay. “We’re always laughing and having fun. Of course, we love working out and watching what we eat and less stress. We’re just trying to have a good time. My tips for guys is just be as sweet as you can, everything from the heart, treat her right, take her out. You don’t have to spend a lot. Just plan everything and show her a good time as much as you can,” nakangiting bungad ni Troy.
May isang anak na lalaki ang aktor kay Aubrey at may isang anak na lalaki rin ang aktres sa unang nakarelasyon nito. Nagpaplano na raw ang dalawa na sundan na ang kanilang mga anak. “We’ll see but Aubrey says she wants to have two more so she’s game. Whatever it’s going to be, whether girl or boy, it’s going to be nice. It doesn’t matter,” pagtatapat ni Troy.
Reports from JAMES C. CANTOS
- Latest
