Hayden na-rape sa una

CEBU, Philippines - Giangkon ni Hayden Kho nga sa edad nga otso  na- rape siya sa makaduha nga higayon. Gibutyag niya kini sa episode sa 700 Club Asia sa miaging gabii diin siya ang guest. Dugang usab ni Hayden nga nisulay usab siya og paghikog sa dihang init pa kaayo ang isyu kalabot sa sex video nila ni Katrina Halili niadto.

Pasok sa listahan

Ikalima ang Pilipinas sa “FHM UK: Top 10 Hottest Nations in the World.” Nakasulod usab niini ang mga pangalan sa artista nga sila si Kathryn Bernardo ug Soleen Heussaff.

Pancho na-pressure

Naghinam-hinam na si Pancho Magno sa pagrampa niya og balik sa umaabot nga Cosmopolitan Bachelor's Bash 2014 ug giangkon niya nga na-pressure pud siya gamay gumikan kay kinahanglan nga mo-mugna siya og kaugalingon niya nga gimik sa entablado.

Dennis nakighinabi og killer

Tsika pa ni Dennis Trillo nga nakighinabi gyud siya og tinud-anay nga killer sa wala pa niya himoa ang indie film nga The Janitor. Naghinam-hinam na ang aktor sa mahimong resulta sa nahisgutang indie film. Gawas sa “The Janitor” makita usab si Dennis sa umaabot nga programa sa GMA-7 nga “Sa Puso ni Dok”.

Jen miresbak

Napungot si Jennylyn Mercado sa iyang bashers busa nilenggua siya og ,” I am who I am. I like what I like. I love who I love. I do what I want. Get off my back and deal with it. It’s my life, not yours”.

Marian nagpasalamat sa EB

Gipadayag ni Marian Rivera nga dako gyud og natabang sa iyang career ang pagkalakip niya sa noon time show sa GMA nga “Eat Bulaga” busa mapasalamaton siya niini . Suma pa ni Marian nga iyang napakita ang lahi niya nga imahe sa nahisgutang programa.

Emosyonal si Ate V

Emosyonal si Batangas Governor Vilma Santos sa katapusang gabii sa haya  sa iyang  personal assistant nga si Aida Fandialan. Matud pa ni Vilma nga dili lang empleyado  ang tan-aw niya kang Aida apan suod kini niya nga higala. Si Governor Vi ug Aida nagkaila sukad pa lang siya nag-edad og 21.

Paneguro

Gibutyag ni Billy Crawford nga gipaneguro lang gyud ni Coleen Garcia nga wala’y maapektohan sa ilang relasyon hinungdan nga dugay siya nga gisugot niini. Malipayon na si Billy gumikan kay wala na siya’y gitagoan human niya gipublikar ang ilang relasyon.

Alessandra mo-absent

Giingong dili matud pa molugwa si Alessandra De Rossi sa programang “Basta Everybody Happy” kung madayon ang plano nga himoong guest sa maong programa ang aktres nga si Heart Evangelista. Matud pa nga wala mahimuot si Alessandra sa dihang giingnan siya ni Heart nga kinahanglang moangkon na sila sa relasyon nila ni Sid Lucero.