Dili tomboy uy

CEBU, Philippines - Igo na lang mikatawa si Glaiza De Castro sa isyu nga daw tomboy siya. "Well, may naririnig na akong ganyan, pero gusto ko pong sabihin na babae po talaga ako!, matud pa ni Glaiza. Dugang usab niya nga dili pa siya andam nga musod og relasyon. Si Glaiza makita nato sa afternoon seryeng "Dading" sa GMA7.

Trending silang Isabel ug Mona

Nagtrending worldwide ang tensyonado nga eksena nila ni Julia Montes ug Kim Chiu sa episode sa "Ikaw Lamang" niadtong Huwebes gabii. Makita sa maong episode nga gikomprontasi ni Julia isip Mona si Kim isip Isabel kabahin sa amahan sa iyang gisabak. Ang maong serye makita matag gabii sa ABS-CBN human sa "Dyesebel".

Magtigi ang mga StarStruck

Gipamatud-an gyud nila ni Jennylyn Mercado ug Jackie Rice kinsa mga produkto sa "StarStruck" nga dili lang sila ordinaryong artista apan sila usab magtigi sa umaabot nga Yahoo Celebrity Awards isip nominado sa Female Kontrabida of the Year.

Past Tense

Naghinamhinam si Ai-Ai Delas Alas sa umaabot niya nga pelikula kinsa lakip sila Xian Lim ug Kim Chiu nga giulohan og "Past Tense". Matud pa ni Ai-Ai kinsa giila isip "Comedy Queen" nga ang storya kalabot sa usa ka love triangle. Dugang pud niya nga magsugod ang shooting sa pelikula karong Hulyo.

Dili andam og relasyon

Giangkon ni Benjamin Alves nga dili pa siya andam mosulod og relasyon karong panahona. Dugang usab ni Benjamin nga malipayon siya karon bisan wala siya'y karelasyon. "I guess, I enjoy being single and available" suma pa niya. Kahinumduman nga na-link siya sa beauty queen nga si Janine Tugonon kaniadto.

Dismayado para kang Nora

"Aba, ewan ko sa kanila! Pero ako, masamang-masama ang loob ko! Masamang-masama!" mao kini ang reaksyon ni Maricel Soriano kabahin sa pagkawagtang sa listahan ni Superstar Nora Aunor isip national artist karong tuiga.

Bag-o ra nasayud si Angel

Nakahilak si Angel Locsin gumikan kay pinal na gayud nga siya maoy  "Darna" sa umaabot nga pelikula sa Star Cinema. Matud pa ni Angel nga niadto lang siyang niaging gabii nasayud kabahin niini dihang gipatawag siya para sa story conference. Kahinumduman nga si Angel usab ang nidala isip "Darna" sa serye sa GMA niadtong 2005. "Nagpapasalamat ako sa pamilya ng Ravelos for trusting me again especially sa pinakamamahal ko na Star Cinema at ABS-CBN", matud pa ni Angel.

Dagha'g nakat-onan

Mapasalamaton sila si Julia Barreto ug Enrique Gil sa mga nagsunod sa serye nilang "Mirabella" nga matapos na karong Hulyo 4.Matod pa ni Julia nga nakahilak siya samtang gihandum niya ang tanan niyang kaagi sa maong serye. Dugang usab niya nga daghan siya og nakat-unan dili lang sa maong serye apan lakip na sab sa mga kaubanan niya nga sila si Sam Concepcion ug Enrique Gil.

Nakilig sa KathNiel

Gipakilig nila ni Daniel Padilla ug Kathryn Bernardo ang ilang mga fans sa Pinasmile Day sa ABS-CBN niadto lang Hunyo 22 sa Mall of Asia Arena. Ang duha mikanta sa theme song nila nga "Got to Believe in Magic" sa serye nilang Got to Believe nga dugay nang natapos. Karong Hulyo na ang showing sa ilang pelikula nga "She's Dating the Gangster".

Aga giilisan ni Ogie

Dili na si Aga Muhlach ang mo-host sa "Let's Ask Pilipinas" kundili si Ogie Alcasid na. Matud pa ni Ogie nga malipayon siya nga siya maoy napili nga bag-ong host sa maong programa sa TV5. Magsugod na karong Hulyo 11 ang "Let's Ask Pilipinas" sa 11:15 sa kabuntagon.