Mu-ikid na karong gabii!

CEBU, Philippines - Lahi nga Marian Rivera. Usa ka Marian nga wala pa nimo masukad masaksihi sa dance floor. Kini maoy pahugyaw sa GMA7 para sa labing bag-ong TV show sa ilang Primetime Queen, ang "Marian" nga magsugod na karong gabii.

Usa kini ka dance show, diin gilangkuban og nagkadaiyang segments. Adunay gitawag og "Playlist" diin sayawon ni Marian ang top 3 dance hits of the week. Aduna usay segment si Julie Anne San Jose, diin mukanta siya ug mupakita sab og dance moves matag karon ug unya. Aduna usay segments diin magtigi ang nagkadaiyang dance groups kauban ang usa ka celebrity guest. Ug aduna usay segment diin hinabion ni Marian ug sa iyang co-host nga si Paolo Ballesteros ang ilang mga bisita.

"Sobrang excited ako dahil isa 'to sa mga pangarap kong gawin. Ibang side naman ni Marian Rivera ang makikita ng mga manonood at siyempre kaabang-abang din ang mga makakasama namin sa show, mula sa mga magagaling na choreographers, dance crews, hanggang sa mga celebrity artists," ni Marian pa sa usa ka interview.

Para sa pilot episode karong gabii, makauban ni Marian sila Governor Vilma Santos ug Diamond Star Maricel Soriano. Ang Marian makita matag Sabado sa gabii, inig human sa "Vampire Ang Daddy Ko."

Sarah: Boyfriend ko po si Matteo

Giangkon na gyud ni Pop Star Princess Sarah Geronimo nga uyab na sila ni Matteo Guidicelli. "O sige, sabihin ko na po, boyfriend ko po si Matteo, so yun" matod pa ni Sarah. Dugang pa ni Sarah nga "mahal" ang tawag nila sa usa’g-usa. Kahinumduman kaniadto nga si Matteo nasayop og padala sa iyang text ngadto kang Direk Wenn Deramas nga "Good Morning Mahal"  nga unta para kang Sarah.

Pakpak for Sarah

Dili lang ang mga fans ni Sarah Geronimo ug Matteo Guidicelli ang malipayon sa pag-angkon ni Sarah nga uyab sila ni Matteo apan apil na pud ang ubang artista, sama ni Martin Nievera, Bianca Gonzalez, Slater Young ug ni Vice Ganda. Si Sarah miangkon atol sa selebrasyon sa pelikula nila ni Coco Martin nga "Maybe This Time".

Emosyonal si Vickie

Nakahilak ang PBB All In housemate nga si Vickie Rushton human kalit sa pagbisita sa iyang amahan nga wala niya makita pila ka tuig ang milabay. Ang iyang amahan nga si Eric Rushton nibiya kanila niadtong Grade 2 pa lang siya. Sa miaging episode sa maong programa giangkon ni Vickie nga nasuko siya niini.

Nagkita na gyud balik

Emosyonal si Jason Abalos dihang subli niyang nakita personal iyang uyab nga si Vickie Rushton human sa pila ka buwan nga wala sila nagkauban.Makita sa maong episode sa PBB nga nakahilak ang aktor atol sa pagkakita nila ni Vickie. Matud pa niya nga proud siya sa iyang girlfriend.

"Yagit" kang Gina

Gikumpirmar ni Gina Alajar nga siya mao ang mo direk sa umaabot usab nga family drama sa GMA, ang TV remake nga "Yagit". Matud pa ni Gina nga usa siya sa mga fans niining maong programa busa malipayon siya nga siya gayud maoy direktor niini.

Unya ra nang minyo

Giangkon ni Maja Salvador nga dili pa siya andam mamahimong "Legal Wife" ni Gerald Anderson. Matud pa ni Maja nga wala pa sa ilang huna-huna ang magminyo. Dugang pa niya nga daghan pa sila og pangandoy ug buot kini nilang matuman. Ang aktres adunay umaabot nga serye human sa iyang concert karong umaabot nga Hulyo 12.

Lahi nga Julie Anne

Malipayon si Julie Anne San Jose sa pagkalakip niya sa dance show ni Marian Rivera nga "Marian" nga magsugod na karong gabii. Matud pa niya nga lain nga Julie Anne ang makita nila sa maong programa. Mao kini ang labing unang higayon nga makatrabaho ni Julie Anne ang Kapuso Primetime Queen nga si Marian.

Pasok sa cast

Malipayong gipaambit ni Matteo Guidicelli sa iyang Instagram ang mga hulagway niya kauban ang mga cast sa sequel sa pelikulang "Moron 5". Giingong apil ang aktor sa ikaduhang halad sa maong pelikula. "1st shooting day for me for Moron 5.2, directed by THE @wennderamas -- so happy to be working with you again direk. Thank you. :), matud pa ni Matteo.

Excited na kaayo

Naghinam-hinam na si Vice Ganda sa umaabot nga sequel sa pelikula niya nga  "The Unkabogable Praybeyt Benjamin" diin makauban niya si "Please Be Careful with my Heart" actor Richard Yap lakip na usab si James "Bimby" Yap. Kahinumduman nga blockbuster ang pelikula niya nga "Girl,Boy,Bakla,Tomboy" atong miaging tuig.

Dili pa sundan

Matud pa ni Melai Cantiveros nga dili pa siya andam nga sundan ang anak niya nga si Mela, kay suma pa niya nga dili lalim ang manganak. Samtang ang managtiayong Melai ug Jason Francisco nangandam na sa umaabot nga bunyag sa ilang anak ug suma pa nga nakapili na sila sa mga mamahimong ninong ug ninang niini. Si Melai mao ang modala isip bestfriend ni Shaina Magdayao sa umaabot nga episode sa MMK.