Ang hustong isul-ob sa seminar

Nasayod ka ba'g asa ka paingon? Paingon ka ba's Carbon, o paingon ka bang motan-aw’g  sine? Gawas lang tingali kun, gi-kidnap ka lang, ug wa ka masayod asa ka dad-a, mao nga ang gisul-ob nimo, dili gyod para sa okasyon nga imong natambongan. Pero kun gikidnap ka, pero nagdala ka'g bag nga dunay sulod nga mga sinina, pwes, inigka sayod nimo nga seminar diay imong nasudlan, mahimong moreklamo ka sa nagkidnap nimo, ug imong ingnon nga mopauli ka, kay wa ka niya sultihi nga seminar diay ang imong gitambongan.

Sa miaging  3-day Stay In Seminar man god, atong Pebrero, dunay usa ka babaye nga nag-short shorts [sa binogoy pa, pinakigol]. Bisa'g nagtambong na sa misa ang mga participants, mga auxiliary, ug uban pang mga ministry, mao gihapon to'y iyang gisul-ob, nga para nako, improper gyod kaayo, bisa'g unsa pang matanga sa seminar ang iyang gitambongan. Gawas lang kaha kun seminar sa nudest Hunyo 5-6-7 ang umaabot nga 3-day Stay Walk With Jesus Seminar sa Oasis Of Love.  Manghinaot ko, nga dili na ko makakita'g sama niadtong nakita nako sa miaging seminar. Duna ko'y participant. Interesting kaayo kining akong participant ron. Ayaw ko'g pangutan-a’g nganong interesting ni siya. Inigkahuman na lang sa seminar nako itug-an nganong interesting siya. Kay si Wilnard Banzon [Wilnard Banzon na sad? Ugma na ang birthday ni Wilnard] bitaw, wa gyod to masayod nga motambong siya'g seminar. Gi-blind siya. Pero pagkasayod niyang nagtambong diay siya'g seminar, nanawag sa ila ug nagpahatod og mga sinina. Busa kun mausab si Wilnard karon, anugon kaayo ang iyang naagian.