Angel pulihan ni Jessy?
CEBU, Philippines - Gidungog nga si Jessy Mendiola maoy himoong bida sa TV remake sa Darna sa ABS-CBN ug giingong dili na idayon si Angel Locsin sa maong proyekto. Apan si Jessy sa iyang bahin, nipadayag kini nga wala siya'y ideya sa maong report .
Wala mataypi sa apohan
Nitumaw ang mga istorya nga matud pa nga wala gyud diay mauyoni sa apohan ni Carla Abellana ang ex-boyfriend niini nga si Geoff Eigenmann busa usa kini sa nalipay sa breakup sa duha.
DO-Re-Mi
Naukay ang viewers sa programang Sarap Diva ni Regine Velasquez kagahapon gumikan kay special guests ang mga kauban niya niadto sa pelikulang Do-Re-Mi nga sila si Mikee Cojuangco ug Donna Cruz.
Makig-uban ni Obama
Imbitado si Mother Lily Monteverde sa Palasyo alang sa dinner nga gihalad ni Presidente Noynoy Aquino ngadto kang US President Barack Obama ugma sa gabii. Matud pa ni Mother Lily nga dili gyud niya sipyaton ang imbitasyon ni PNoy. (Sanden J. Anadia)
Barbie nanganak na
Nanganak na ang Taiwanese actress nga si Barbie Hsu o mas nailhan sa kadaghanan isip Shan Cai gumikan sa hit series nga "Meteor Garden".
Suma pa sa report Channel News Asia, ang 37 anyos nga aktres kinsa minyo sa usa ka negosyante nga si Wang Xiaofei , nihimugso sa iyang anak nga babaye pinaagi sa cesarean section alas 3:30 sa hapon niadtong Huwebes sa usa ka tambalanan sa Taipei.
- Latest
