Lui nataypan ni Ai-Ai

CEBU, Philippines -  Gibutyag  ni Ai-Ai delas Alas nga wala sila'y relasyon  sa TV personality ug negosyante nga si Lui Villaruz.

Giangkon hinoun niya nga na-crush siya ni Lui apan iyang giklaro nga friends ra gyud sila niini.

Matud pa sa komedyanteng aktres nga nataypan niya si Lui gumikan sa pagka-utokan niini. Hinuoun maglisod pa si Ai-Ai nga mosulod og balik sa seryosong relasyon gumikan kay giatiman pa niini ang legal nga panagbuwag nila sa iyang bana nga si Jed Salang. Una na nga giangkon ni Ai-Ai nga dali ra siya ma-attract sa bata pa niya og edad.

Nagkanayon ang aktres nga magbinantayon na siya karong panahona sa pagpili og lalaki aron dili  siya masakitan og balik.