AiAi, Izzy, at Cherry Pie sasabak sa ghost hunting

MANILA, Philippines - Ngayong Araw ng mga Kaluluwa (Nobyembre 2), isang kapana-panabik na ghost at treasure hunting ang gagawin nina AiAi delas Alas, Izzy Canillo, at Cherry Pie Picache sa pagpapatuloy ng Wansapanataym Presents Moomoo Knows Best. Sasamantalahin ng isang misteryosong kaluluwa ang tumitinding alitan ng dalawang esperitista na sina Joanna (AiAi) at Lavender (Cherry Pie) upang maikulong ang espirito ng ina ni Joanna at mahanap ang matagal na niyang hinahanap na kayamanan.

Matutunan na kaya nina Joanna at Lavender na magtulungan at kalimutan ang kanilang hidwaan sa oras na malagay ang kanilang mga buhay sa peligro? Ano ang koneksiyon ni Kwatzy (Izzy) sa misyon ng misteryosong kaluluwa? Kasama nina AiAi, Izzy, at Cherry Pie sa Wansapanataym Presents Moomoo Knows Best sina Carla Martinez, Marco Gumabao, Michelle Vito, Jojit Lorenzo, Lui Villaruz, at Tony Manalo. Ito ay sa ilalim ng panulat ni Arlene Tamayo at direksiyon ni Erick Salud.

Huwag palampasin ang pagpapatuloy ng Halloween special nina AiAi, Cherry Pie, at Izzy ngayong Sabado sa storybook ng batang Pinoy, Wansa­panataym, 6:45 p.m., pagkatapos ng TV Patrol Weekend sa ABS-CBN.

Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.