Jeron Teng pinapirma ng kontrata ng Dos

SEEN: Ang special participation ni Maricel Soriano sa Bekikang: Ang Nanay Kong Beki. Nahirapan sa delivery ng kanyang dialogue si Maricel.

SCENE: Sinuportahan nina Maricel Soriano, Dennis Trillo, at Rafael Rosell ang premiere night ng Bekikang sa SM Megamall noong Martes ng gabi.

SEEN: Sina Cesar Montano at Noel Cabangon ang organizers ng Sagip Bohol, ang fundraising concert para sa mga biktima ng Bohol na magaganap bukas nang gabi, 8:00 p.m. sa Teatrino Greenhills.

SCENE: Ang mga poster ng Pedro Calungsod: Batang Martir sa mga sinehan. Official entry sa Metro Manila Film Festival 2013 ang Pedro Calungsod at ang producer nito ang unang naglagay ng mga poster sa mga sinehan.

SEEN: Magkasama na pumunta sa New York si Miss World 2013 Megan Young at Mr. World 2012 Francisco Javier Escobar para sa kanilang press interviews. Tutuloy  si Megan sa California dahil dadalo siya sa The Children’s Charity Mid-Winter.

SCENE: Basketball player ang role ni Jeron Teng sa special appearance niya sa Got To Believe ng ABS-CBN. Hindi nahirapan si Jeron sa kanyang real-life role. Pumirma na rin ng kontrata sa ABS-CBN ang star player ng La Salle.

SEEN: Sinalubong ng mga Pilipino sa Moscow airport si Bb. Pilipinas-Universe  Ariella Arida na ginaw na ginaw dahil sa 2 degree celsius weather sa Russia.